"Манчестер Юнайтед" Еуропа лигасы жартылай финалының бірінші матчінде жеңіске жетті, - деп хабарлайды Massaget.kz тілшісі.
"Қызыл сойқандар" Бильбао қаласында "Сан-Мамес Барриа" стадионында "Атлетиктен" 3:0 есебімен басым түсті.
Алғашқы голды 30-минутта Каземиро соқты. 37-минутта Бруну Фернандеш пенальтиден есепті еселей түсті. 45-минутта үшінші гол да Фернандештің еншісіне жазылды.
Айта кетейік, алаң иелері 35-минуттан бастап аз құраммен ойнады. Себебі Дани Вивиан "соңғы үміт" фолын жасап, алаңнан қуылды, ал "Атлетик" қақпасына пенальти белгіленді.
Қарымта матч 9 мамырға қараған түні өтеді. Ал финал 21 мамырда Бильбаодағы осы стадионда өтеді.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова