Сноубордшы қызымыз Валерия Цой Сочидегі қысқы Олимпиада ойындарында параллельді слалом бағдарламасы бойынша іріктеу кезеңінен аса алмады.
1/8 финалға 16 үздік спортшы іріктеліп шықты.
25 жастағы ел спортшысы 1:08.67 уақыт көрсеткішімен соңғы орынға табан тіреді.
Естеріңізге сала өтсек, ертеректе ел спортшысы параллельді алып слалом бағдарламасы бойынша 1/8 финалға шыға алмаған болатын.
Сол уақытта отандық спортшымыз қос сайыс қорытындысы бойынша 1:54.57 уақыт көрсеткішімен 23-орынға табан тіреген еді. Валерия бірінші мүмкіндікте Швейцария елінің өкілі Стефани Мюллерге жол берсе, бағдарламаның екінші бөлігінде 57,04 секунд уақыт көрсеткішіне қол жеткізген-ді.
Дайындаған: Әкежан Дәкен
Сурет:vesti.kz