Сочидегі ХХІІ қысқы Олимпиада ойындарында могулдан ерлер арасында іріктеу кезеңі аяқталды. Бұл сында отандық спортшыларымыз да бақ сынаған болатын.
Павел Колмаков екінші іріктеу кезеңінде 4-орын алып (21.70), финалдық бөлікке екінші болып жолдама алды. Ал 28 жастағы отандасымыз Дмитрий Бармашов 16-орынды (5.21) місе тұтты. Бір айта кетерлігі, аталған спортшы бірінші жарыс жолына шықпаған болатын.
Ертеректе жерлесіміз Дмитрий Рейхерд 7-орынмен (21.86) келесі кезеңге шыққан еді.
Отандық биатлоншыларымыз Ян Савицкий мен Сергей Наумик жүлде үшін таласқа түседі. Тікелей көрсетілімді KazSport арнасынан көре аласыздар.
Дайындаған: Әкежан Дәкен
Сурет: vk.com