Майкен Касперсен Фалла Сочи ХХІІ қысқы Олимпиада ойындарында шаңғы спорты түрінен қысқа қашықтықта әйелдер арасында алтыннан алқа тағып отыр.
23 жастағы норвегиялық спортшы 2:35.49 уақыт көрсеткішімен бірінші орын алды. Екінші орын тағы бір норвегиялық спортшыға бұйырды. 23 жастағы Игвильд Флугстад Эстберг 2:35.87 уақыт көрсеткішімен күмісті еншіледі. Үшінші орынға таласта словениялық Весна Фабьянның бағы жанды (2:35.89).
Ертеректе отандық спортшыларымыз Елена Коломина мен Татьяна Осипова осы спорт түрінен іріктеу кезеңінен аса алмаған болатын.
33 жастағы Коломина іріктеу кезеңінде 46-шы нәтижені көрсетіпті. 26 жастағы Осипова 57-ші нәтижені місе тұтыпты.
Дайындаған: Әкежан Дәкен
Сурет: norge.ru