Кей өнімнің қабы адамды бірден баурап алады. Шығармашылық үстелген осындай үздік қаптарға назар салмай, бей-жай өту мүмкін емес.
Канадалық дизайнерлер Julien De Repentigny мен Gabriel Lefebvre мынадай сүт қорабының ғажайып концепциясын жасап шыққан.
Бұл спагетти Нью-Йорктегі аспанмен таласқан Эмпайр-стейт-билдингті қайталап тұр. Ешкімнің ойына спагеттиді осылайша орау келмесі анық.
Шай қорабы шкаф түрінде жасалған. Ал шай қалташалары киім сияқты тізіліп тұр.
Кореялық Aekyung студиясы жасаған кір жуу ұнтағының қорабы. Ғаламат идея!
Note құлаққабы нота күйінде ерекше оралған.
Отандық дизайнерлер де үздік ойларымен таңғалдырудан шаршаған емес. "Рахат" кондитерлік фабрикасы тәттінің қорабын киіз үй пішінінде жасаған.
Дайындаған: Мейіргүл Оңғарова
Сурет: adme.ru, rakhat.kz