Пастель түстері

Пастель түстері осы жылы нағыз сәнді трендке айналды. Оларды қалай сәйкестіріп кию керектігі жайлы кеңестерді оқи отырыңыздар.

Кереғар түстер

Пастель түстерінде орындалған киімдерге кереғарлық ретінде түстері жарқын аксессуарлар таңдаңыз. Нәзік түстердің басым болғаны дұрыс, ал "неон" түс тек аяқ-киім белбеуі, әшекей бұйымдары сияқты майда-шүйде бөлшектерде ғана болсын. 

Кеңселік пастель

Жазда пастель түсті киімді кеңселік жұмысқа да киіп барса әбден болады. Нәзік түстер кеңседе тым "жеңілтек" көрінбес үшін, таңдаған киіміңіз қарапайым, ал аксессуарлардың түстері бейтарап болсын. 

Қатал нәзіктік

Пастель түстері тек нәзік, "тәтті" кейіп істеу үшін ғана жарайды деп кім айтты? Бұл түстер классикалық шалбар мен жейдеге де әбден жарасады. Бейнені аяқтау үшін лоуфер аяқ-киімі мен тік бұрышты пішінді қол сөмке ұстаңыз. 

Сәнді пастель түстері әр қызға ерекше жараса алады, оларды дұрыс сәйкестіріп кию үшін, мына кеңестерді ұмытпағаныңыз жөн.

• Пастель түстерін қара түспен қоспаған жөн.
• Пастель түстерінің бірнеше түрін бірге киіп көріңіз. Немесе бір түстің бірнеше реңкін бірге киіңіз.
• Ашық түсті киім көбінесе қара торы қыздарға өте жарасады. Ал егер сіз ақшыл болсаңыз, пастель түстерінің біреуімен шектелген жөн.

Дайындаған: Сания Аринова

Суреттер: woman.ru