Макияжсыз Барби

Барби қуыршағы қашанда сұлулықтың нышаны болған. Дүкеннің сөрелері мен кішкентай қыздардың қолдарында ол әрқашан сұлу, сымбатты ару болатын. Ал егер әлемге танымал пластмасса қуыршағы Барби адам болса ше? 

Танымал Imgur фотохостингтің қолданушылары Барбиді макияжсыз елестетіп көруді ұсынды. 

Өзінің ғұмырында Барби нағыз жұлдыз сияқты талай өсектің тақырыбына айналды. Оның денесі мен беті жас қыздар ойнайтын қуыршақ үшін тым әдемі, макияжы тым көп, шашы тым ұзын делінді. Өз ғұмырында Барби түрін де, дене бітімін де талай ауыстырды. Бірақ Барбидің алтын шашы мен мінсіз макияжы өзгерер емес.

Мінсіз сұлулықтың бетін ашып, "Барби қарапайым ару болғанда қалай болар еді?" деген сұраққа жауапты Imgur фотохостингтің қолданушылары іздеп көрді. Photoshop пен басқа бағдарламалардың көмегімен олар қуыршақтың макияжсыз бейнесін ұсынды.

Олардың ойынша, макияжсыз Барбидің көзі ісіп тұрады, әжімдері де жоқ емес (маияждың әсері болар). Оның тісінен брекет көрінеді, ал терісінің түсі біркелкі емес. Шаш сәнін істемегенше шашы да онша көрінбейді. 

 Дайындаған: Сания Аринова

Суреттер: woman.ru