Классика жасағым келеді...
"Chanel" сән үйінің іргетасын қалаған атақты француз дизайнері, сәнгер Коко (Габриель) Шанельдің ойлары әдемі киініп, жақсы өмір сүруге талпынған әр адамға арналады.
Мен сәнмен айналыспаймын, сән деген - мына мен. Өз еркіңнің қожайыны, ар-намысыңның құлы бол. Ұсқынсыз әйел болмайды, еріншек әйел болады. Сізді әлдебір әйелдің сұлулығы ерекше таңғалдырғанымен, оның үстіне не кигенін есіңізге түсіре алмасаңыз, ол керемет киінген... Мен бүкіл әлем әйелдері үшін киім тігіп шығардым, ал олар келіп жалаңаш жүруге тырысады. Кедейлік - салтанатқа қарама-қайшы емес. Барлық әйел сұлу болып тумайды, ал 30 жасқа дейін әдеміленбесе, оның жәй ғана ақымақ болғаны.Коко Шанель
Көйлектен әйелді іздеңіз. Егер әйелді таппасаңыз, көйлектің де болмағаны. Қыз жолы болмаған сайын әдемі болуға тырысуы керек. Әрбір қыз әрдайым нені және кімді қалайтынын біліп жүруі тиіс. Мен адамдарды ақшаны ұстауларына қарап бағалаймын. Ақша - мақсат емес, ол адамның қателескен, қателеспегенін білдіретін дәлел. Өзіңе деген күтім жүректен басталуы керек. Олай болмаған жағдайда, ешқандай косметика көмектесе алмайды."Сіз түнде не киесіз?" деген сұраққа атақты Мэрилин Монро "Нөмір 5-Шанельден аздап себемін" деп жауап берген екен"
Дайындаған: Мейіргүл Оңғарова
Сурет: the100.ru, rosdutyfree.ru, bisquit-mag.ru