Жейде-көйлектер сән әлеміндегі көктем-жаз маусымының басты киім үлгісі қатарын құрайды. Бүгінгі жазбада осындай үлгіні қандай киімдермен жарастырып киюге болатынын таныстырамыз.
Ең бастысы бұл киімнің әмбебап екенн айта кеткен жөн. Жейде-көйлекті өз гардеробыңызға ала барғанда бір оқпен екі қоянды атасыз: бірде жейде, бірде көйлек етіп жарастырып киюге болады.
Бұл үлгіні жұмысқа, серуенге киюге болады. Жұмысқа киіп барсаңыз, ұзын желетке және лофермен киіңіз: сәндірек көрінеді.
Ал серуенге, достармен кездесуге барсаңыз, кроссовкамен, оверсайз немесе бомбер күртешелермен киюге болады.