Джинсыды немен киген дұрыс

Джинсы ыңғайлы киім ретінде нәзік жандардың гардеробында әлдеқашан тұрақтанып алған. Бірақ сіздің джинсы киіміңіздің стильді болуы тек оның пішініне емес, сізге де байланысты!

Бүгін біз сәнді және соны көріну үшін «джинсыды немен киген дұрыс» тақырыбын талқылаймыз.       

Кей қыз-келіншектер жалғыз джинсы шалбарын әрқашан стильді және әр киген сайын өзгеше етіп көрсете алады. Ал басқалары гардеробындағы 10 шақты джинсыды немен киерін білмейді. Ендеше, джинсыды немен киіп, үйлестіру керектігі туралы стилистер кеңесімен танысайық.

Күнделікті өмірде джинсыды немен кию қажет  

Күнделікті өмірде джинсыды немен киген дұрыс деген мәселе оп-оңай шешіледі: дүкен аралауға, достармен серуендеуге ыңғайлы джинсыдың өзі-ақ керемет жарасады. Бұл ретте джинсы кез келген түсті және пішінді топ немесе жеңіл жейдемен үйлесе береді. Тек сізге ыңғайлы болып, көңіл-күйіңізге сәйкес болса болды. Джинсыдың да пішіні мен түсін өзіңізге ыңғайлы етіп таңдағаныңыз дұрыс. Күнделікті бейнеңізде сіздің қиялыңызға жол беріп, түрлі эксперимент жасауға мүмкіндігіңіз бар.   

Кеңсеге джинсыды немен киген дұрыс

Жұмысқа киетін джинсыды таңдау, әрине, күрделірек мәселе. Кеңсеге арналған джинсы үшін дәстүрлі шешім: қынама бел, ұзын жакетпен жақсы үйлесетін түзу пішімді қара көк немесе қара джинсы. Қынама бел жакеттер бейнеге сәл нәзіктік береді. Сонымен қатар, классикалық үлгідегі көкірекше не кофта да «жұмыс үлгісін» сақтай отырып, сізге стильді және тартымды бейне сыйлайды.    

Жүздесуге арналған джинсы

Джинсыды жүздесуге де киюге әбден болады, бірақ, ол үшін киім толымыңыз айтарлықтай романтикалық және ашық болуы тиіс. Әдемі топ немесе туника мұндай жағдайда джинсымен керемет жарасады. Топ түстері көбіне нәзік, пастель гаммасында болғаны дұрыс. Себебі, бұл түстер романтикалық көңіл-күйді көтеріп, нәзіктігіңізді көрсетеді. Егер джинсымен туника киетін болсаңыз, беліңізде жиналатын үлгілерінен алыс болыңыз. Олар дене бітіміңізді толықтатып көрсетуі мүмкін. Ал түзу джинсы мен туника бейнеңізді арықтатып көрсетуге көмектеседі.  

Клубқа джинсыды немен киген дұрыс 

Клубтық демалысқа да джинсы сәтті таңдау болады. Оның үстіне, сіз джинсыды ерекше киіммен толықтыра алсаңыз, сіз кеш ханшайымы боласыз! Сәйкес киімдерді өз қалауыңызға қарай таңдаңыз: клубтық өмір өзіңізді еркін танытуға мүмкіндік береді. Сондықтан, киім толымы да әр түрлі: джинсымен классикалық жейде немесе ашық футболка киіңіз, сондай-ақ әдемі блузка, теріден тігілген көкірекше де сәнді көрінеді.

Джинсыдың тоқыма киімдермен жарасымдылығына назар аударыңыз. Мұндай үйлесім фактура құбылуымен қызықтырып, бейнені ерекшелендіре түседі.  

Егер сіз қайталанбас бейне жасағыңыз келсе, суреттердегі үлгілерді қарап, өзіңізге үйлесімдісін таңдаңыз.

Суреттер womanempire.ru, sevelina.ru, samogo.net, viparmenia.com, spletnik.ru, medikforum.ru сайттарынан алынған