Ferrari зауыты. Суреттер

08 мамыр 2012, 11:42

Естеріңізде болса, біз сіздерге Ferrari компаниясының тарихы жайлы айтып кеткен болатынбыз. Бүкіл әлемге аты мәшһүр автоөндіруші Энцо Феррари 1898 жылы Модема қаласында дүниеге келген. Бала кезінен бастап, Энцо көліктерге қызығып, автобәйгелерді сүйіп бақылады. Бірінші дүниежүзілік соғыстың аяғында Феррари CMN (Costruzioni Meccaniche Nazionali) спорттық топтың құрамына еніп, соның сапысында аянбай тер төккен.

Кейін 1920 жылы ол «Альфа Ромео» фирмасына орналасып, сынақшы-жүргізуші қызметін атқарып, көптеген жетістіктерге қол жеткізеді. Нәтижесінде Феррари өзінің жеке «Скудерия Феррари» деп аталатын тобын құрып алады. Негізінен команда құрамы «Альфа Ромео» бәйге көліктерін жетілдіру жұмыстарымен айналысып, көптеген жарыс-бәйгелерге қатысатын. Сол кезден бастап, компанияның таңбасында әйгілі тұлпардың кескіні көрінеді.

Ал бүгін Энцо Ферраридің көліктері дүниежүзінің барлық мемлекеттерінде үлкен сұранысқа ие. Компанияның ең үздік үлгісі - Enzo болып табылады. Бұл машинаның нарықтағы бағасы бір миллион доллардан асады. Қолданысқа берілген Энцо үлгісінің жалпы саны - 399. Осындай машинаны Біріккен Араб Әмірлігінде бір-екі жыл бұрын британдық азамат айыппұлдарды төлемегені үшін көлік тұрағына тастап кеткен болатын. Айыппұлдың жалпы көлемі бір миллионнан асты ма екен?

"Қарапайым" темір тұлпарға деген сұраныстың жоғары болуының себебі неде? Бұл сұраққа жауап ретінде Феррари көлік зауытының фотосуреттерін назарларыңызға ұсынамыз. Суреттерде "қала" ішіндегі "қала" кескінделген. Артық сөздің қажеті жоқ. Суреттер сөйлесін.