Google Panda – сіздің ақылды көмекшіңіз
![Google Panda – сіздің ақылды көмекшіңіз](/userdata/news/news_27158/image_l.png)
Google компаниясының Жапониядағы басшылығы адамның әртүрлі сұрақтарына жылдам әрі нақты жауап беретін Google Panda роботын жасады. Панда Google Now қызметінің арқасында сізді ойландырған сұрақтарға 0,3 секунд өтпей жауап береді. Ойыншық робот 50 тілде сөйлейді және жеке аудармашыңыз қызметін де атқара алады. Бұл панда тек жапондарға емес, кез келген ұлт өкіліне пайдалы екенін анық.
Google Panda басқа техно гаджеттерге қарағанда қауіпсіздікпен жоғары деңгейде қамтылған. Оның қалың және жұмсақ тоны ойыншықтың электронды чипін қатты соқтығысудан сақтайды.
Жаңа персоналды көмекші Google Panda 5 және Google Panda 6 нұсқаларымен шығарылған. Ол әдетте мобильді құрылғыларды және интернетті пайдаланғысы келмейтіндерге ұтымды таңдау болмақ. Төмендегі видео арқылы Google Panda ойыншығының ресми таныстырылуын көре аласыздар.
Одан бөлек, Google компаниясы Smartbox атауына ие «ақылды» пошта жәшігін таныстырды. Смарт-жәшік қабылданған хаттарды автоматты түрде реттейді. Ал келген хаттардың кімнен екені смартфонға жүктелген қосымшаға келіп отырады. Оның жұмыс істеу құрылымын төмендегі видеодан көре аласыздар.
Сурет: скриншот
Ұқсас жазбалар:
Hackaball - балаларға арналған "ақылды" доп
Torque – әлемдегі ең берік смартфон
Amoeba — төрт түрлі компоненттен тұратын флешка
Manta 7X – батырмасы жоқ смартфон
Ж. Өрісбай