PowerSkin компаниясы BlackBerry Z10 смартфондарына арнап тұңғыш рет қосымша қуат көзі, яғни аккумуляторы бар қорғаныс қабын жасап шығарды. Силиконнан жасалған аксессуар смартфонды зақымданудан сақтаса, сыйымдылығы 1500 мА/сағ болатын аккумулятор BlackBerry Z10 смартфонының автономды уақытын 70%-ға дейін ұзартады.
Қорғаныс қабының өлешмдері - 73х20х136 мм болса, салмағы 86 грамм. Осылайша, BlackBerry Z 10 иесі кішкене өлшемі мен салмағы бар жаңа қаптың есебінен өз смартфонының қуатын екі есеге дейін ұлғайтуға мүмкіндік алады.
Қорғаныс қабында қосу/өшіру батырмалары, сондай-ақ қуаттың деңгейін көрсететін индикатор бар. Ол смартфон байланысына ешқандай кедергі келтірмейді. BlackBerry Z10 смартфонына арналған қорғаныс қабы қара түсті нұсқада шығарылған. Дүкендердегі бағасы 80 доллар төңірегінде.
Дайындаған: Болат Қосмағамбет
сурет: compulenta.ru