Бүгінде робот техникалары тұрмысымызға біртіндеп еніп келе жатқаны белгілі. Жақында осындай роботтың тағы бір түрі таныстырылды. Оның басқалардан басты айырмашылығы - ол еденді тазалау немесе асхана жұмысын жасауға емес, смартфон және планшет бетін тазартуға арналғандығы.
AutoMee S деп аталған гаджеттің өлшемі - 67х73х38 мм. Ал салмағы - 82 грамм. Қуатты AA типті батарейкасынан алады. Және ол үш сағат бойы үздіксіз жұмыс жасауға қабілетті. Гаджет смартфон бетін 4 минутта тазартып шығады. Ал планшет бетіне одан екі есе көп уақыт жұмсайды екен.
Жапондық AutoMee S өнімі нарыққа 28-наурызда шығады. Оның дүкендердегі бағасы 17 долларды құрайтын болады.
writeFlash({"src":"https://www.youtube.com/v/EjzH56WQvDc","width":"450","height":"314"});
Дайындаған: Болат Қосмағамбет
сурет: gadgetblog.ru