Саяхатшылар үшін ең маңызды заттар тізімі аталды

Біз коронавирус дәуіріне аяқ басқанымызға бір жыл болды, пандемияның алғашқы айларында өзін-өзі оқшаулау қажет болса, қазір бұл мүмкін емес - біз қаласақ та, қаламасақ та, ұшаққа отырып, не жол жүруімізге тура келеді. Әлем бірте-бірте қалыпты өмірге аяқ басып келеді, осы жағдайда өмір сүруге дағдыланумыз қажет. 

Бетперде - 2020 жылдың негізгі атрибуты
Вирустың әлемді қалай өзгерткенін әрбір адам сезінді. Әуекомпаниялары жолаушылардан ұшу барысына бетперде киюді талап етеді, ал денсаулық сақтау қызметкерлері қоғамдық көліктерде және басқа да адамдар көп жерлерде бетперде киюді ескертеді. Біз жай ғана мойынсұнып, былай дейміз: "Бетперде – биылғы жылдың басты атрибуты, жаңа норма, енді одан арылу мүмкін емес". Бетперделердің алуан түрі бар: кез келген костюмге, көйлекке, сөмкеге - барлық жағдайларға арналған бетперделер. Ең бастысы, экологиялық таза, қайта пайдалануға болатындары да бар! Жалпы, өзіңізбен бірге екі данасын алыңыз ... Жоқ! Он шақты данасын! Неғұрлым көп болса, соғұрлым жақсы, олар көп орын алмайды және қажетті уақытта қолыңызда болатынына сенімді боласыз.

Кез келген уақытта, орында дезинфекциялау құралдары болуы қажет
Кейбір әуекомпаниялары әр жолаушыға бетперде, қолғап, бактерияға қарсы майлықтар және антисептиктері бар санитарлық жинақтарды ұсынады. Бірақ бұл жағдайда әрқашан қолыңызда антисептикалық және дезинфекциялық майлықтар болғаны жөн. Жалпы заттарды ұстағаннан кейін алақаныңызды сүртіп тұрыңыз - есік тұтқалары, орындықтар, түймелер - бұл сізді және отбасыңызды қорғайды. Қол жүгін жинаған кезде, бортқа 100 миллилитрден астам сұйықтық рұқсат етілмейтінін есте ұстаған жөн, сондықтан мөлшерден асырмаңыз.

Антисептикті алып жүруден басқа, оны қалай дұрыс қолдануды білу маңызды. Сарапшылар оны қолда 15 секунд бойы ысқылауды ұсынады, ол тез әсер етеді және әсері үш-төрт сағатқа созылады (алкоголь мөлшері кемінде 70 пайыз болған жағдайда). Ал бактерияға қарсы майлықтармен қолды 20-30 секунд сүрту керек. Ең бастысы - телефонды дезинфекциялауды ұмытпаңыз! Бұл біз ең көп ұстайтын зат және оны шектеп қолдану қиынға соғары анық.

ПТР-сынағы: қаншалықты қажет?
Қазір әр ел вирустың таралу қаупін азайту үшін шаралар қабылдап жатыр. Кейбір елдер мұны карантинсіз шешті, ал басқалары қатаң шектеулер енгізуге мәжбүр болды. Қазақстандықтардың кіру және шығу ережелері туралы ақпарат үнемі жаңартылып отырады, ең өзекті ақпаратты Сыртқы істер министрлігінің ресми сайтында тексеруге болады. Дегенмен, көптеген елдер ПТР сынағы анықтамасы талап етеді, оның жарамдылық мерзімі 96, 72 немесе 48 сағаттан аспауы тиіс: Мысыр, БАӘ, Оңтүстік Корея, Ресей, Украина. Бірақ Беларусь, Германия, Қырғызстан, Өзбекстан анықтама тексермейді, бірақ үй карантинінде 14 күн оқшаулануды талап етеді. Бұл ережелер апта сайын өзгеріп отырады, сондықтан сынақтан өтіп, сабырлы болуға шақырамыз.

Сақтандыру құжаты. Қажет болмасын деңіз, бірақ алып жүрген дұрыс
Медициналық сақтандыру бұрынғыдан да өзекті бола бастады. Оны алдын ала дайындау керек, өйткені шет елде COVID-19 анықталған жағдайда, оны сатып алу мүмкін болмайды. Мұнда үш нұсқа бар: туроператорлар ваучер бағасына қосатын міндетті туристтік сақтандыру (ТМС), біріншіге қосымша ретінде ерікті сақтандыру (аурудың симптомсыз болған жағдайында) және COVID-19 опциясын төлеуге таңдау мүмкіндігі бар ерікті сақтандыру.

Бірінші жағдайда сақтандыру компаниясы барлық шығындарды өтейді: диагностика, дәрігердің қабылдауы, ПТР-сынағы, дәрі-дәрмек, FTF - сауығып кеткеннен кейін науқасты қалдыруға берілген рұқсат. Екінші түрін тек туроператорлар ТМС-ға қосымша опция ретінде тағайындай алады, ол аурудың симптомсыз ағымы кезінде әуе билеттері, әуежай трансферлері және қонақүйде оқшаулану шығындарын өтейді. Ал үшінші, ерікті сақтандыру түрі – туроператорсыз саяхаттаушыларға арналған коронавирус ағымының белгілері бойынша шұғыл медициналық көмек көрсету, науқасты оқшаулау және емдеу. Алайда, туристтен симптомдар байқалмаса, бірақ сынақ оң нәтиже берсе, онда барлық шығынды өзі көтереді.

Дәрі қобдишасы
Сақтандыруды сатып алсаңыз да және емделу қамтамасыз етілсе де, сіз алғашқы белгілерге әрекет етуге дайын болуыңыз керек. Дұрыс жинақталған алғашқы медициналық көмек қобдишасы құтқарады және сапарда төлқұжат сияқты маңызға ие. Бұл мәселе бойынша көптеген кеңестер, тізімдер мен ұсыныстар бар, бірақ ең бастысы: көліктегі тербеліс ауруын емдеу, жөтел, тымауға қарсы, ауыруды басатын дәрілер, сорбенттер, ас қорыту ферментті препараттары (аяқ асты жағдайлардан сақтайды) және жараларды емдеуге арналған жинақ - антисептикалық, таңғыш және пантенол. Дәрілік заттардың санына шектеулер бар: әдетте, 10 атауға дейін және әрқайсысы бес қаптамадан аспауы тиіс. Егер сізге көбірек қажет болса, сол туралы анықтама алып алыңыз.

Геокарталар мен қосымшалар. Бұл - бір жаңа нәрсе
Көпшіліктің айтуынша, пандемия уақыты интроверттерге таптырмайтын жағдай болды, өйткені айналадағы адамдардың саны шектеулі болуы оларға өте қолайлы. Саяхатыңызды жоспарлағанда, экскурсиялар мен серуендер ұйымдастырған кезде, сіз сол жерде қаншалықты адамдар көп болатынын білу маңызды. Мұны істеу үшін сіз әртүрлі қолданбаларды пайдалана аласыз: байланыста болған трекерлер және қауіп сараптамалары. "Әлеуметтік технологиялар жылыжайы" порталы өз материалында сандық платформалардың жаңа өмірдегі рөлі туралы әңгімелейді, жаңа геокарталарды сипаттайды, бұл көптеген адамдардың байланысын немесе кептелістерін болдырмауға көмектеседі. MIT Technology Review журналы белгілі бір елдегі коронавирус статистикасын көрсететін және әлемнің кез келген жерінде жүктеп алуға болатын 10 түрлі картаны қамтитын ең жақсы COVID-19 электрондық қосымшаларының рейтингін жариялады. Сіз өзіңізге ыңғайлы кез келгенін таңдай аласыз және жақын жерде болып жатқан барлық нәрселерден хабардар боласыз. 

Өзін-өзі тазартатын бөтелке немесе гигиеналық ілмек?
Жоғарыда айтылғандардың барлығына қоса, 2020 жыл бізге қарапайым заттарға артық жанасудан қорғайтын көптеген жаңа құрылғылар дүниеге әкелді. Көптеген платформалар, мысалы, CALCALISTECH, мұндай өнертабыстар туралы айтады. Ол COVID-19 дәуірінде есік тұтқаларын тоқолдану қажет емес деген британдық жиһаз компаниясының DDB негізін қалаушы және тең иесі Стив Брукс туралы әңгімелейді. Ол қол тигізбей-ақ есіктерді ашуға көмектесетін, қалтаға салып алатын және тазалауға немесе ұстауға оңай кеуекті емес материалдан жасалған "гигиеналық ілмектерді" шығара бастады. Мұндай өнертабыстардың арасында Virustatic Shield вирусқа қарсы жабыны бар спод бетпердесі де бар.

Бетперде тіндері антидене ретінде әрекет ете отырып, SARS CoV-2 штаммын қарусыздандыратын вируферрин деп аталатын қосылыспен қапталған. Компанияның өзі мұндай бетпердені бір реттік бетпердеден 50 есе ұзағырақ қолдануға болады деп мәлімдейді. Сонымен қатар, тізімде жемістер мен көкөністерді тазартатын құрал, суға арналған өзін-өзі тазартатын бөтелке, қол бетіңізге тигісі келгенде дірілдеп тұратын білезік, тіпті "ақылды бетперде" де бар. Соңғысы сізді вирустан қорғап қана қоймай, сонымен қатар тілдік кедергіні жеңуге көмектесетін өнертабыс, өйткені оның кіріктірілген бағдарламалық қосымшасы бар. Мұндай "ноу-хау құралдардың" тізімі өте ұзақ, біз сапарыңызды қауіпсіз өткізу үшін ең қажеттісін таңдадық.

Байланыссыз төлем картасы, қалам және тіскебасар
Осы жылы саяхаттау кезінде бөтен заттармен қажетсіз байланыста болмауға көмектесетін барлық нәрсені дайындау маңызды. Ақылды нәрсенің бәрі қарапайым: алдымен әуежайда, қонақүйде және вокзалда барлық көші-қон бланкілерін толтыру үшін өзіңізбен бірге жеке қалам алып жүріңіз - бұл жалпы қаламға қол тигізудің немесе көршіңізден сұрауды қажет етпейді. Екіншіден, байланыссыз төлем картасын алыңыз, бұл өте ыңғайлы, қауіпсіз және уақытты үнемдейді. Үшіншіден, әуежайлардағы көптеген фуд-корттар, кафелер мен мейрамханалар жабылғандықтан, сіз өзіңізбен тіске басар алып жүруіңіз қажет. Құрма, жаңғақтар, печенье сияқты жеңіл, бірақ жоғары калориялы болғаны жақсы. Мұның бәрі антисептикпен оңай өңделетін және сөмкеге қайта салынатын көп рет қолданылатын сөмкеде болса тіптен жақсы болады.

Кітап - ескі дос
Пандемия кезінде адамдар депрессияға жиі ұшырай бастағаны жасырын емес. Ұшулар шектеліп немесе белгісіз уақытқа кейінге қалдырылуы мүмкін, сіз күтпеген жерден карантинге қонақүйде жабылып қалуыңыз мүмкін, мұндай уақытта сіз ұзақ күтуге және өз ойларыңызбен жеке қалуға дайын болуыңыз керек. Мұндай жағдайларда кейде алаңдаушылық пен толқу да болуы жасырын емес. Осыған орай уақытты көңілді өткізу үшін өзіңізбен бірге бірнеше жақсы кітап алуды ұсынамыз. Washington Post газеті соңғы кездері ерекше танымал еңбектердің тізімін жариялады. Барлық портал деректері баспалардан, кітапханалардан, қауымдастықтардан және оқырмандардың өздерінен жиналды. Таңдаулылардың қатарында Эрик Ларсон бар, ол сізге басқа шындыққа енуге көмектеседі және сонымен бірге өте қиын уақытта төзімділікт арттырады. Басқа BostonMamas порталы өзіне-өзі көмектесу кітаптары мен ата-аналарға арналған кеңестері барын ұсынады. Жалпы, өзіңізге қолайлысын таңдап, кез келген т жағдайда оқуыңызға болады.