Су астында қалған (Оңтүстік Америка мен Африка аралығында мұхит тұңғиығында жатуы мүмкін) Атлантида аңызы ғасырлар бойына адамзат санасын жаулап келген-ді. Енді міне, күтпеген тұста бразилиялық геологтар жерасты жұмбағының қай тұста жатқанын шамамен болжап білгендерін хабарлап үлгерді.
Жапондық мамандармен бір қатарда ат салысқан геологтар Рио-де-Жанейро жағалауынан 1500 шақырым жерден (Оңтүстік Америка Африка құрлығынан бөлінген кез) құрғақтық орын алып жатқанын анықтаған.
Зерттеушілер Рио-Гранди суасты шоқысы орналасқан ауданнан 2,5 шақырым тереңдікте гранит тасын тауып алыпты. Олардың ойынша, граниттің бұл түрі теңіз түбін емес, тек қана құрғақтықты түзе алмақ. Сол қатарда мамандар тобы батискафпен (теңіз аппараты) болуы мүмкін суасты ауданын толық зерттеуге алып, өз ұйғарымдарының дұрыстығына көз жүгіртіп көрген.
Бүгінгі таңда ғалымдар мен геологтар жер қабатын бұрғылауды қолға алып, сол арқылы Атлантиданың өзін болмаса да, жоғалып кеткен құрлықтан хабар беруі мүмкін үлгілерді алмақшы.
writeFlash({"src":"https://www.youtube.com/v/BFSc3NWwITk","width":"450","height":"240"});
Сурет:mignews.com.ua
Дайындаған: Фараби Арыстанбек