Пірлерді білеміз бе?

Халқымыздың нанымында әр заттың пірі бар. Көпшілігіміздің білетініміз негізінде төрт түліктің пірі ғана. Басқа пірлерді білеміз бе? Кімнен не қалды? Ендеше, біліп жүрейік!

– Жылқының пірі кім?
– Қамбар ата.

– Түйенің пірі кім?
– Ойсыл қара.

– Сиырдың пірі кім?
– Зеңгі баба.

– Қойдың пірі кім?
– Шопан ата.

– Ешкінің пірі кім?
– шекшек ата.

– Батырдың пірі кім?
– Ғайып ерен, қырық шілтен.

– Теміршінің пірі кім?
– Ер Дәуіт.

– Ағаш ұстасының пірі кім?
– Нұх пайғамбар.

– Білімпаздың пірі кім?
– Ыдырыс пайғамбар.

– Кемешінің пірі кім?
– Ілияс пайғамбар.

– Жолаушының пірі кім?
– Қызыр баба.

– Ғашықтардың пірі кім?
– Ләйлі–Мәжнүн.

– Ырыстың пірі кім?
– Қызыр баба.

– Етікшінің пірі кім?
– Сәді ата.

– Орақшының пірі кім?
– Дихан ата.

– Желдің пірі кім?
– Мірқайдар ата.

– Жаңбырдың пірі кім?
– Борық ата.

– Жарлының пірі кім?
– Қалтаң ата.

– Ұрының пірі кім?
– Жалтаң ата.

– Кәрінің пірі кім?
– Кекшіл ата.

– Ісмердің пірі кім?
– Тепшім ата.

– Ошақтың пірі кім?
– Ұмай ана.

– Қасапшының пірі кім?
– Сәдуақас ата.

– Кеселдің пірі кім?
– Ыңқыл ата.

– Күншілдің пірі кім?
– Күңкіл ата.

– Тәкаппардың пірі кім?
– Ібіліс малғұн.

– Наубайшының пірі кім?
– Ескендір Зұлқарнайын.

– Балықшылардың пірі кім?
– Жүніс пайғамбар.

– Шаштараздың пірі кім?
– Арыстан баб.

– Бау-бақшаның пірі кім?
– Бағбан ата.

– Орман-тоғайдың пірі кім?
– Мизам ата.

– Түйешінің пірі кім?
– Салық пайғамбар.

– Дәруіштердің пірі кім?
– Ғайса пайғамбар.

– Сараңның пірі кім?
– Қарынбай.

– Жомарттың пірі кім?
– Атымтай.

– Тоқымашының пірі кім?
– Шиш пайғамбар.

– Тәуіптің пірі кім?
– Ұлықпан хәкім.

– Саятшының пірі кім?
– Адам ата.

– Шешеннің пірі кім?
– Майқы би.

– Әділдіктің пірі кім?
– Мұхамед пайғамбар.

– Патшаның пірі кім?
– Тақ Сүлеймен.

– Түркінің пірі кім?
– Әзірет Сұлтан.

– Ер-азаматтың пірі кім?
– Әзіреті Әли.

– Тарыққанның пірі кім?
– Сұлтан Үпі (Хубби сұлтан).

– Қыз-келіншектің пірі кім?
– Бибі Бәтима.