Дани Карвахал бұрынғы клубына оралғысы келеді

Өткен жылы «Байер» клубына сатылған «Реал» академиясының тәрбиеленушісі Дани Карвахал бұрынғы клубына оралғысы келетіні туралы айтты.

Испан және неміс командаларының арасындағы келісімде мадридтік клубтың Даниды қайта сатып алу құқығы болғанын айта кеткеніміз жөн. Соңғы кездері «Реалдың» қапталдағы қорғаушылары кезек-кезек жарақат алып, Жозенің мазасы кеткен болатын. Енді ол бундеслигада тәп-тәуір ойнап жүрген Карвахалды өз командасынан қайта көргісі келетінін айтты. Алайда футболшының өзі екі клубтың арасында жаңа бір келісім жүріп жатпағанын тілге тиек етті.