Ли Бён Хон / Lee Byung Hun

Қазақстан көрермендері Оңтүстік Корейлік актер Ли Бен Хонды жақсы танып қалды. «Нар тәуекел» («All in») сериалындағы ойынынан кейін ол бізде ғана емес, көптеген Азия елдеріне танымал жұлдыздар қатарына қосылды.

Актер Ли Бен Хон 1970 жылы 12 шілдеде дүниеге келген. Алғаш рет кинодағы дебюті 1991 жылы «Asphalt My Hometown» фильмінде болған екен. Кейінірек Ли түскен «Joint Security Area» фильмі хитке айналып, сол кездегі Корея тарихында үздік кассалық фильмдер қатарына енген. 2000 жылы «Pusan Film Critics Awards» марапаттау салтанатында Ли Бен Хон «Ең үздік актер» номинациясында жеңіп шығады. Одан кейін Лидің актерлік қабілетіне бәрі бас иіп, үлкен рольдерді ұсына бастайды. Жалпы бұл оның жалғыз марапаты емес, ол көптеген фильмдегі және дорамалардағы рөлдері үздік деп танылған.

Ли Бен Хон жағымсыз кейіпкердің де рөлін сомдаған. 2008 жылы «The Good, the Bad, the Weird» фильмі Канн кинофестивалінде көрсетіліп, критиктермен жылы қабылданған. Сол премьераға Ли өзі де қатысып, қонақ болған. 2007 жылы Ли Бен Хон Стивен Соммерстің «Бросок кобры» («G.I. Joe: The Rise of Cobra») фильмінде Сторм Шэдоудің рөлін сомдаған. Фильм 2009 жылы жарыққа шығып, Лидің Голливудтағы дебюті болып саналды.

2009 жылы қазан мен желтоқсан аралығында телеэкранға «Iris» дорамасы жарыққа шығады. Бұл Лидің 6 жылдан кейін дорамада қайта ойнауы. Сериал үлкен рейтингпен өтеді. 40 пайыздан 30 пайыздық көрсеткіш – бұл үлкен жетістік болып саналады. Осы дорамадағы рөлі үшін Ли Бен Хон тағы да «үздік актер» номинациясын жеңіп алады.

2010 жылдан бері ол Kim Ji-woon-нің «I Saw the Devil with Choi Min-sik» фильмінде түсірілімде жүр. Премьерасы осы 2011 жылға жоспарланып отыр. Одан кейін «Бросок кобры 2» фильміндегі Сторм Шэдоудің рөліне қайта оралмақ. Түсірілім осы жылдың маусымында басталып, келесі жылы тамыз айларында киноэкранға шығады.

Лидің BH Entertainment деп аталатын өзінің жеке продюсерлік орталығы бар. Оның қарамағында Han Hyo-joo, Jin Goo, Han Chae-young және Hyun Jyu-ni сияқты актерлер жұмыс жасайды. Сонымен қатар Ли «BHNC» деген түрлі акссесуарлар сататын дүкен ашқан. Ол жердегі сатылатын шляпа, шарф, әмиян және т.б. дизайнын көбіне өзі құрастырады. 2008 жылы Жапонияға «Itsuka» («Әйтеуір бір күні») деп аталатын альбомын ұсынады. Альбом толығымен жапон тілінде, альбомдағы әндермен Жапонияда беделді композитор Ясуши Акимото айналысқан екен. Сөйтіп актерлік дарыны ғана емес әншілік дарынын да сынап көреді. Корея музыка біріншілігінде үшінші орынға дейін көтерілген.

Лидің өзінен 8 жас кіші Lee Eun-hee деген қарындасы бар. Ол 1996 жылы

«Мисс Корея» жүлдегері. 1997 жылы «The Harmonium in My Memory» фильміне түсіп жүргенде, әкесі Lee In-chul өмірден озады. Ұстанатын діні – будда, батыста оны көбіне Брайн деп атайды екен.

Ол Daewang бастауыш мектебін, Youngdong орта мектебін, Joongdong жоғары мектебін, Hanyang Университетін (Француз әдебиетімен қосалқы) және Graduate School of Chung-Ang University (Театр және киноөнері факультеті) тәмамдаған.

Басы бос. Жеке өмірінен жұртқа Сон Хе Ге-мен болған романы жайлы танымал. Олар 2004 жылы айрылысып кеткен.

Ли Бён Хон мен Ли Мин Джон үйленетіндері жайлы өсекті жоққа шығарды.


29 мамыр күні Ли Мин Джонның агенттігі Newsen баспасына телефонмен хабарлайды: «Үйлену жайлы өсектің бәрі өтірік. Ли Бен Хон мен Ли Мин Джон ата-аналарымен кездесіп, үйлену уақытын белгілеген жоқ».

Бұл сыбыс екеуінің жақындарының үйлену тойына барып, Ли Мин Джонның қалыңдық гүлін қағып алған соң пайда бола бастады.

Оның агенттігінің айтуынша: «Оның жеке өмірі жайлы ештеңе айта алмаймыз, өйткені оның әр қадамын аңдып жүре алмаймыз. Ол «Все о моем романе» дорамасынағы рөлін ойнап бітірді. Ли Мин Джон қазір демалыста, сондықтан бұны растау үшін оған хабарласа алмаймыз».

Сонымен қатар, агенттік: «Ли Бен Хон өзінің «Красный2» фильмінің промоушнымен айналысуда екен. Және екеуінің де уақыты тығыз болғандықтан үйлену жайлы сөз қозғау орынсыз емес пе?»

Ли Мин Джонның алдағы жоспарлары жайында: ««Все о моем романе» дорамасынан кейін ол біраз демалыс алмақшы. Содан соң басқа жобаларды қарастырмақшы. Қазір көп ұсыныстар түсіп жатыр».

Ли Бен Хон мен Ли Мин Джон кездесіп жүргендерін 2012 жылы тамыз айында елге жариялаған болатын.

Фильмографиясы осыншама бай екен деп ойламаппын

Ли Бён Хон мен Ли Мин Джон үйленбекші!
Осыған дейін оларды үйленеді, үйленбейді деген сыбыстар көбейіп кетті.

Ақыры Ли Бён Хон мен Ли Мин Джон осы жылдың тамызында үйленбекші.

Екі агенттікте 5-маусымда Ли Бён Хон мен Ли Мин Джонның 10-ыншы тамызда Grand Hyatt қонақүйінде үйленетінің айтты.

Ли Бён Хон қалыңдығы Ли Мин Джонға ерекше етіп үйленуге ұсыныс жасады. Бұл оқиға актердің үшінші голливудтық RED2 фильмінің тұсаукесерінде өтті. Фильм біте салысымен экранда актердің үйленуге ұсынысының видеосы көрсетілді.

Ли Бён Хон алдыңғы бір сұхбаттарында: "Мен Ли Мин Джонға әлі лайықты түрде ұсыныс жасаған жоқпын. Осыны қалай жасасам дұрыс болады деп ойланып жүрмін. Бұл әдеттен тыс болғанын қаламаймын, бірақ ол менің шынайы сезімім жайлы білгенін қалаймын" деген екен.
Ойлана келе актер ұсынысты кинотеатрда жасапты, өйткені екеуі де өнер жолындағы адамдар. Видеоны көрген соң актриса өзін бақытты сезініп, тебіреніп, тіпті көзіне жас алған екен.

Естеріңізге сала кетейік, жұп 10 тамызда «Grand Hyatt» қонақ үйінде үйленеді.