Доллар бағамы 337,8 теңгеге дейін көтерілді

2015 жылдың 15 желтоқсанындағы KASE таңғы сессиясында доллар бағамы 337,8 теңге болды.

Таңғы сессиядағы алғашқы келісім 333 теңгемен басталды. Бұл ең төменгі баға болды. Ең жоғарғы баға - 338,64 теңге. Сада көлемі 127,25 миллион доллардан асты. Алдыңғы саудаға қарағанда доллар шамамен 2 пайызға қымбаттады.

Еске сала кетейік, 14 желтоқсанда KASE күндізгі сессиясы 331,33 теңгемен жабылған еді. Алматы мен Астанадағы ақша айырбастау орындары долларды 337-340 теңге аралығында саудалады.