Қышаның емдік қасиеті

Қышаны халық медицинасында кеңінен қолдану арқылы көптеген аурудың алдын алады. Мысалы:

Аяғыңыз ауырса:

Аяғыңыздың ауырғанын басып тыныштандыру үшін 2 ас қасық қышаны 2 литр қайнаған сумен араластырып, жарты сағат сол суға аяқтарыңызды малыңыз.

Тамағыңыз ауырса:

Аздап лимон шырыны мен 1 шай қасық тұз бен бал және ½ шай қасық қышаны 100 мл жылы суға араластырып, күніне 4-6 рет тамағыңызды шайыңыз.

Гайморит, тұмау ауруларына шалдыққанда:

Матаны ыстық суға малып, оның ортасына кептірілген қышаны орап, жатар алдында иіскеп жатыңыз. Нәтижесіне көзіңіз жетеді.

Арқаңыз ауырғанда, артрит кезінде, сіңіріңіз созылып кеткенде:

Қыша қосылған ванна қабылдаңыз. Ыстық су толтырып, оған 220 грамм кептірілген қыша ұнтағын сеуіп, жақсылап араластырып түсіңіз. Ескерту: 20 минуттан артық түсудің қажеті жоқ.