Қостанайда бір әйел көлігімен баланы соғып, қашып кетті

Қостанайда бір әйел көлігімен баланы соғып, оқиға орнынан қашып кетті, - деп хабарлайды tengrinews.kz тілшісі "Алау" ақпараттық порталына сілтеме жасап.

Жол-көлік оқиғасы 22 тамызда түскі уақытта Урожайная көшесінің бойында болды. Куәгерлердің айтуынша, қара түсті "Нива" көлігі жаяу жүргінші жолында бір қызды қағып кетіп, оны жолда қалдырып, оқиға орнынан із жасырған. Қыз ауыр жағдайда ауруханаға түсті.

Қалада "Жедел ұстау" жоспары жарияланды. Бір сағаттан кейін куәгерлер суреттеп берген көлікке ұқсас "Нива" тоқтатылды. Көлікке дол оқиғасына сәйкес зақымдар келген. Тізгінде 1990 жылғы қыз отырған. Оқиғаның жай-жапсары анықталып жатыр.