ЖОО санын таяу жылдарда екі ес еге дейін қысқартпақ

Қазақстанда аса маңызы үш сала жедел оңтайландыруды қажет етіп келген еді. Бірінішісі- әлі де міз бақпай, сіресіп келе жатқан ұлт болашағы денсаулығының сақшысы болады деген денсаулық сақтау саласы. Екіншіде- өткен жылдан бастап аттестатциялау арқылы жаппай тазартуды бастаған тыныштық сақшылары, құқық қорғау саласы. Ал соңғысы әрине тоқсаныншы жылдары жасалған оңтайландырудан оңбай опық жеген оқу жүйесі, яғни білім саласы. ЖОО-ын қысқарту күн талабы. Заманауи жарақтармен толық жабдықталмағаны былай тұрсын, дені дұрыс оқу корпусы да жоқ, кадрлар мәселесін айтпағанда, ғылыми базасы да жоқ ЖОО қандай білім беріп, қандай білікті маман даярлай алады? Бұл бір. Екінші жағынан студенттер білім үшін емес, баға үшін оқуға барып жүр (егер барып жүрсе ғана). Әйтпесе бағаны, сынақтар мен емтиханды сатып ала салады. Тіпті болмаса, ЖОО-ның дипломын сатып ала салу да қиын болмай қалды ғой. Нәтижесінде білімсіз де, біліксіз жастарды тәрбиеледік. Бүгінгі ақша беріп оқу тамамдаған ұрпақтың ертеңгі күні сол жұмсалған қыруар қаражатын пара алу арқылы қайтарып алуға ниеттенбесіне кім кепіл? Қысқасы, бәрекелді, дейік! Иншалла, алдағы күндерде тек қана мүйіздері қарағайдай, аттарынан ат үркердей беделді-беделді деген ірі ЖОО-ның ғана ұрпақ тәрбиелеуіне куә болайық, ағайын!