Кіші той деген не?

Question

Кіші той деген не?

https://massaget.kz/userpage/104258 · Accepted Answer

КІШІ ТОЙ – үйлену салтында ұйымдастырылатын кезекті ойын-тойдың бірі. Құдалық түсіп, қалыңмалдың біраз бөлігі берілген соң күйеудің қалыңдық ауылына ұрын барып жүретіні мәлім. Алайда, есік ашу деп аталатын салт бойынша, күйеу жігіт жолдастарымен алғаш рет қайын атасының үйіне ресми бару үшін сойысқа қажетті мал және бір түйеге артқан өрік-мейіз, күріш т.б. әкеледі. Қыздың жеңгелері қыздың әке-шешесіне білдірместен түнде күйеуді үйге кіргізіп қыздың жанында қондырады. Таңертең жасырынып шыққан күйеу күндіз ауыл сыртына тіккен күйеу шатырында, түнде отау үйде қыз жанында болып бірнеше күн өткізеді. Сонда да болса күйеу жігіт қыздың ата-анасына, ауылдың үлкен кісілеріне көрінбейді. Осылайша күйеуді үйге кіргізер күні де келіп жетеді. Осы күні күйеу азық артып әкелген түйемен қайын атасы үйіне сәлем беріп келеді. Осы рәсімге байланысты кіші той жасалған соң күйеу бұдан былай ұрын емес, енді, ресми келіп тұратынын белгілеген шара болып саналады. (Қазақтың этнографиялық категориялар, ұғымдар мен атауларының дәстүрлі жүйесі. Энциклопедия)