Қайталамалы энергия көздеріне нелер жатады? Оларды пайдалануда Қазақстанның мүмкіншіліктері қандай?

Question

https://massaget.kz/userpage/104256 · Accepted Answer

Жер қойнауындағы органикалық отын қорлары біраз жылдан кейін таусылады; ал энергияның ешқашан таусылмайтын қайталамалы көздеріне жел, күн сәулесі жатады.  Астанада «Болашақтың энергиясы» тақырыбы аясында өткізілген Халықаралық ЕХРО–2017 көрмесі дәлелдегендей, Қазақстан 2030 жылға қарай барлық өндіретін энергияның 20%-ын, 2050 жылға қарай 50%-ын қайталамалы энергия көздері есебінен өндіретін болады. Қазақстанда жасалған «жел картасы» көрсетіп отырғандай, елімізде жел энергиясын пайдалану мүмкіншілігі орасан зор. Жел байлығы жағынан әсіресе Астанаға таяу Ерейментау аймағы бірінші орында тұр. Желмаясымен желе жортып, осы аймаққа жеткенде Асанқайғы бабамыз: «Ерейменнің құты жерінде емес, желінде» деген екен. Қасиеті мол бабамыздың көрегендігіне тәнті боласың. Бұл өңірде де, басқа өңірлерде де салына бастаған жел және күн электр станциялары ел игілігіне қызмет ететін болады.