Сиқырлы таң: Күнді дұрыс бастауға арналған 7 кеңес
![Сиқырлы таң: Күнді дұрыс бастауға арналған 7 кеңес](/userdata/news/news_67494/image_l.jpg)
Кез келген адам өмірінің кез келген кезеңінде өзінің тіршілігін мәнді, ал өзін бақытты етуді қалайды. Бұл тілек әрқайсымызға тән. Бірақ адамдардың көпшілігі таңертең оянып, өмірде ештеңе өзгермегенін, армандары орындалмай жатқанын түсінеді. Әйгілі лектор және жаттықтырушы Хэл Элродтың «Сиқырлы таң» кітабында табысқа жету және мансапта шыңға шығу үшін өте жақсы кеңестер берілген, олар ең қолданбалы қасиеттерімен ерекшеленеді. Автор оянғаннан кейінгі бірінші сағат әрбір адамның өмірінде революциялық процестерді бастауға болатын уақыт деп сендіреді.
1. Оянған кезде өзіңізге мотивация беріңіз
Әр адам оянған кездегі бірінші ой ұйықтар алдындағы соңғы ой болатынын есте ұстауы керек. Сондықтан кешіңізді ертеңгі таң туралы жағымды идеялармен және көзқарастармен қанықтыруға тырысыңыз, сондай-ақ өз күніңізде қол жеткізген барлық нәрсе үшін өзіңізге алғыс айтыңыз. Сондай-ақ, күніңізді қозғалыста бастау үшін оятқышты төсегіңізден алыс ұстауға тырысыңыз. Содан кейін тістеріңізді тазалаңыз (пастаның жалбыз дәмі сергітеді) және денеңіздегі сұйықтық балансын қалпына келтіру үшін бір стақан су ішіңіз.
2. Таңды тыныштықпен бастаңыз
Біздің көпшілігіміз үшін таң – адамды әбігерге түсіретін өте қарбалас уақыт. Әр таң сайын келесі әрекеттер арқылы ішкі қысым мен стрессті саналы түрде азайтуға тырысыңыз: медитация, терең тыныс алу, ризашылық білдіру, рефлексия. Бұл уақытта төсекте жатпау және жатын бөлмеден шығып кету өте маңызды. Диванға немесе үстелге отырыңыз, жаныңыздың тыныштығын сақтаңыз. 10-15 минут жеткілікті. Сіз шешім күтетін мәселелер туралы ойлаудың импульсивті қажеттілігінен арылып, қазіргі сәтте қалуыңыз керек.
3. Арманға қол жеткізген сәтіңізді елестетіңіз
Шындығында, көптеген адамдар өздерінің табысты сәтін елестеткен кезде қатты ыңғайсыздықты сезінеді. Бірақ біздің өзімізге бере алатын ең үлкен сыйымыз - өз әлеуетімізді барынша іске асыра отырып, толыққанды өмір сүруге тырысу. Визуализацияның максималды тиімділігі үшін сезімдеріңізді тарқату арқылы ең адам сенгісіз армандарыңызды елестетіңіз. Содан кейін жылдам «таспаны артқа айналдырыңыз» және тамаша нәтижелерге қол жеткізіп жатқаныңызды көріңіз. Күнделікті бейсанамен жұмыс жасай отырып, сіз өзіңіздің ойларыңыз бен сезімдеріңізді өзіңіздің идеал көзқарасыңызға сәйкес келтіресіз.
4. Үздіксіз кітап оқыңыз
Қарым-қатынасыңызды өзгерткіңіз келсе, өз-өзіңізді бағалауды жақсартқыңыз келсе, сендіру дағдыларыңызды арттырғыңыз келсе, бай болғыңыз келсе немесе жұмысты ауыстырғыңыз келсе, ең жақын кітап дүкеніне барыңыз. Онда сіз өміріңіздің әр саласын жақсартуға арналған тамаша кітаптар таба аласыз, күніне кемінде 10 бет оқуға тырысыңыз. Сайып келгенде, психологтардың, жаттықтырушылар мен жеке өсу мамандарының тәжірибесі негізінде жазылған осындай еңбектерде кез келгені өмірлік жағдайларға негіздіелген.
5. Күнделік жазыңыз
Ойларды қағазға түсіру арқылы сіз өзіңіз туралы құнды ақпаратқа қол жеткізе аласыз.Жазылған ойлар, идеялар, түсініктер, жетістіктер, армандар – сіздің айнаңыз. Күнделік жүргізу бізді жазғандарымыз арқылы ойлануға және проблемаларды шешу жолдарын қарастыруға мәжбүр етеді. Сондай-ақ, күнделігіңізді қайта оқи отырып, сіз артқа оралып, қол жеткізген жетістіктеріңізді бағалайсыз. Және бұл адамның өзіне деген сенімін сақтайтын ең шабыттандыратын және ынталандыратын бөлігі.
6. Таңертең ең қиын істермен айналысыңыз
Аты әлемге әйгілі өнімділік сарапшысы Брайан Трейси өзінің ең көп сатылатын «Алдымен бақаны же» кітабында таңертең маңызды бірақ жасауға құлқыңыз жоқ нәрсені қолға алу керек екенін айтады. Бұл өмірді жаңа биіктерге жетелейтін жол. Жасалуы керек істі аяқтау адамды психологиялық жүктен арылтып, күшті серпін береді және бүкіл күннің өнімділігіне әсер етеді.
7. Есеп беру бойынша серіктес табыңыз
Егер біз өзімізге ғана емес, басқа адамның алдында да жауап беретін болсақ, барлық әрекеттерді соңына дейін аяқтау мүмкіндігі айтарлықтай артады. Біреуді сізбен бірге «Сиқырлы таң» бағдарламасын бастауға шабыттандырыңыз.Бұдан екеуіңіздің ынтаңыз екі есе артады. Сәйкесінше нәтижеңіз де соған сай келеді.
А. Оралқызы