Сицилия жағалауынан бастау алған италиялық мафия 100 жылдан бері жасап келеді. Осы бір шағын орта деңгейлеп дендеп, оның өзінің ішкі заңдылықтары мен ар-намыс кодексі деп атауға келетін ережелері сақталып қалды. Марио Пьюзоның «Өкіл әке» («Крестный отец») романының кейіпкері сицилиялық дон Карлеонның өзін көріп-білмеген адам кемде-кем. Олардың заңы омерта заңы деп аталады. «Егер кімде-кім зағип, мылқау әрі саңырау болса, ол – 100 жыл өмірін тыныш қана өткізеді» деудің өзі пәлсапалық ойға негізделмеген деп көріңіз?! Бұл заңдылықтар жәй ғана жақсылық немесе әділдікке бағытталған десек, мағынасын аша алмайтын шығармыз. Омертаның негізгі айтары – мәселені шешудің ең қауіпсіз әрі оңай жолы десек орынды.
«Өкіл әке» - қылмыстық драма. Италиядан шыққан америкалық Марио Пьюзоның романы мафиози аталған әлемге ең бір терең дендей алған шығармасы ретінде тарихта қалып отыр. Кітап бірінші рет 1969 жылы жарияланды. Оны Френсис Форд Копполо 1972 жылы экранизациялаған соң, фильм үздік сценарий, үздік фильм және үздік ер адам рөлі деген аталымдарда Оскар киножүлдесін алған болатын.
Олардың фильмдегі сөздерінен FURFUR ер адамдарға арналған журналы үзінді келтіріпті. Әрбір жігіттің білуі керек дүниелері болса, керегіне жаратады деген оймен біз де сіздерге ұсынып көрелік.
Марио Пьюзо Вито Корлеонның рөлін сомдаған Марлон Брандомен бірге
Өкіл әкенің өсиеті
Өз қауіпсіздігін сақтау үшін заңға жүгінген адам не ақымақ, не қорқақ. Полицияның көмегінсіз өз-өзін қорғай алмайтын адам осы екеуінің бірі болғаны. Жарақат алған адам оған шабуыл жасағанның есімін айтып, жәбірленсе, бұл – сужүректілік және ұят. Одан да тірі қалуға тырысып, кегін алсын. Ұлы адамдар ұлы болып туған жоқ. Олар ұлы болады. Не туралы ойлайтыныңды отбасыңнан басқа ешкім де білмесін. Кек – бұл суып қалған тамақ секілді. Жақсы көретін адамдарыңа «жоқ» деп жиі айта бермеу керек. Ал «жоқ» деуің керек болса да, оны «иә» дегендей етіп жеткізу керек. Тіпті болмай бара жатса, өздерінің «жоқ» деп айтуына әкеліп тіре. Қорғансыздар санатына балалар мен әйелдер кірсін, тек жігіт емес! Сана болмаса, біз адам болудан қалар едік. Ондай жағдай болса, біз жыртқыш аңдардан жақсы болмаспыз. Бәрінен бұрын еркек болу керек. Көп уақытын отбасымен бірге өткізбейтіндер нағыз жігіт емес. Қыз балаға саған қояр талабын айтуға мүмкіндік бересің. Оларға мұндай мүмкіндік берілмеуі тиіс. Адам өзіне достың қашан керек болатынын алдын ала біле алмайды. Достық – бұл ең бастысы. Достық таланттан да маңызды. Достық отбасыңмен бірдей деңгейде болсын. Өзіңді күт, сен мәңгілік жас болып қалмайсың. Ең мықты дегеннің өзі өтей алмайтын парыз болады. Достарың саған жақын болсын. Ал жауларың одан да жақынырақ болсын. Қолына портфель ұстаған адам қару ұстаған адамнан да көп дүние ұрлай алады.Дайындаған: Ардақ Құлтай
Сурет: furfurmag.ru