Адам денесіндегі мең мен қалдың 300-ден астам түрі бар екен. Ал үлкен жақтан бұлар туа бітті немесе жүре пайда болатын екі түрге жатады. Бұл адам денсаулығы үшін қатерлі емес. Тек ісік түріндегі кішігірім ақау. Алайда асқынып қатерлі ісікке айналуы да мүмкін екен.
Ал туа бітті меңнің адам денсаулығына ешқандай кері әсері жоқ деуге болады. Ал кейбір болжағыштар адам денесіндегі меңнің орналасуына қарай алда болашағын, тағдырын айтып жатады. Дегенмен бұл түбегейлі сенім емес.
Төменде ерлер мен әйелдердің денесіндегі мең туралы жұлдызнама ұсынамыз.
Әйелдерде:
1. Мең оң жақ қасында болса, ерте некеленеді, әрі бақытты болады. Сол жақ қасында болса керісінше болады.
2. Көзің айналасында болса, бұл әйел адамның байсалдылығын білдіреді.
3. Оң жақ бетте болса махаббаттың отына күйіп жанады. Сол жақ бетте болса табысқа жету үшін талай-талай күрделі жолдарды басады.
4. Мұрынның ұшында болса әртүрлі айламен табысын уысында ұстай біледі.
5. Ерінде болса мінезі ақжарқын, сезімтал болады. Байлықа бас имейді, өзіне артық жауапкершілік арқалауды ұнатпайды. Мең үстіңгі ерінде болса нәзіктіктің белгісі, астыңғы ерінде болса махаббат жағында өзімшіл болғаны.
6. Мең оң жақ төсте болса басын тауда да тасқа да ұрады, бір кез шарықтап биікке көтеріледі. Бірде төмен құлдырайды. Ал сол жақ төсте болса кең пейіл болғанымен жеңіл мінезді болады.
7. Мықынында болса балалы-шағалы болады. Мықындағы үлкен мең үрім-бұтақты болуды білдіреді.
8. Оң жақ иықтағы мең жолы болғыш әйелдерді білдіреді. Сол жақтағысы өмірде қаржыдан тарығуды білдіреді екен.
9. Қолда болса бақыт пен байлықа бастайтын тамаша дарынды көрсетеді.
10. Жіліншікте болса өзіндік шешім шығару қабілеті мол, еңбексүйгіш болады.
11. Білезікте болса онда бай-бақытты тұрмыс өткізеді.
Ерлерде:
1. Мең оң маңдайда болса елге сыйлы, іскер, мәртебелі болады. Мең сол маңдайда болса, сезімге бай болып, бақытты махаббатқа да кенеледі.
2. Мең құлақта болса сабырлы да салмақты, ешнәрсені қаперіне алмай қамсыз өмір өткізеді.
3. Мең иекте болса, айналасының сый-құрметіне бөленеді, елден ерек дарынды болады.
4. Мең оң қабырғасында болса, ол адам өте жасқаншақ келеді. Іс-әрекеті дөрекі, салдыр-салақ болады. Мең сол қабырғасында болса, қуышкеш, әзіл-оспақшыл келеді.
5. Мең жауырында болса ол адам пәк мінезді болады.
6. Мең аяқта болса өздігінен ештеңе тындыра алмайтын жасқаншақ, әлжуаз келеді.
7. Мең бөкседе болса жұмысқа жалқау, әркімнің ығына құлағыш келеді.
8. Шаптың оң жағындағы мең – әлсіз, әлжуаз адам екеніңізді және үйдегі билік әйеліңіздің қолында екенін білдіреді.
9. Белдегі мең – ашық әрі адал жігіттердің белгісі.
10. Желкеңіздегі мең – өміріңіздің қиын болатынан хабар береді. Иек астындағы мең – үлкен биліктен хабар береді.
11. Мең сол жақ табанда болса ақылды, арманшыл келеді дейді.
***
Ал шығыс халықтарында адамның мінез-құлқын, денсаулығын меңіне қарап білетін дәстүр бар. Жас баланың денесіндегі мең оның болашағын да болжайтын көрінеді.
***
Басында мең болса басшылық жасауға бейім тұлға екендігін білдіреді. Осы пікірді көптеген зерттеушілер анықтайды. Себебі, көп патшалардың басында қалы болғаны белгілі. Кеңес одағындағы Горбачев мырзаның басында алақандай қалы болғанын жұрт біледі.
***
Маңдайда мең болса, ақыл мен көрегендіктің белгісі. Бетінде меңі болса ол ерекше мейірімділікті білдіреді. Үнді жұртында беті мен маңдайында меңі бар қыз болса, кез-келген жігіт оған үйлену туралы ұсыныс айтуға тырысады екен.
***
Бетінің ұшында меңі бар адам шешімді тез қабылдайтын ұшқалақ ретінде көп аталады екен. Кейде көшеден меңі мұрнына біткен жандарды көретініміз бар. Мең танушылар бұларды ең сабырлы адамдар қатарына жатқызады. Егер мең құлаққа бітсе, ол адам мақтаншақ болуы әбден мүмкін. Мойынында меңі болса білімді, рухани жақтан дарынды тұлға. Бірақ, сонысына қарама-қарсы жалқау.
***
Иектің үстінде мең болса, ол адам өте кезбе, үнемі ұшып-қонып жүреді. Қолында меңі бар адам өзін ірі істерде елестетеді. Бірақ, қолынан көп нәрсе келе қоймайды.
***
Кеудеге біткен мең нәзік жанды, мейірбан, ақ-жарқын мінездің иесі. Мең арқада, жауырында орналасса ең мықты адамдар қатарында аты аталады. Тарихта мұндай кісілерден Әмір-Темір, Бонапарт, Сталиндердің атауға болады.
Дайындаған: Алшын Матай
Сурет: flickr.com