Қай жерге бармас едіңіз? (психологиялық тест)

Ештеңеден қорықпаймын деген адамның өзі әйтеуір бір нәрсеге байланысты мазасызданады. Ал сіз өзіңізді жақсы білесіз бе? Біз сіз туралы ақпарат ұсынып көрейік, сіз өзіңізбен салыстырыңыз. Суреттегі үш жердің қайсысына бармас едіңіз?

1. Сіздің ең басты қорқынышыңыз – жалғыздық. Бұл әлемде жалғыз екеніңізді сезінуден қорқасыз. Ойланып көріңіз, бұл қорқыныш қашан, қайдан пайда болды? Бала кезіңізден бері бар ма әлде бертін келе бір жағдайларға байланысты туды ма? Өміріңізді көз алдыңыздан өткізіп, қорқынышыңызды жаншып тастаңыз. Сіз жалғыз емессіз, сүйеніш болар адамдарыңыз бар. Жеке өміріңізде де бәрі орнына келеді. Жай ғана жеке өміріңізде ешкім жоқ екенін ойлай беруді қойыңыз. Онсыз да жақсы өмір сүріп жатқаныңыз есіңізде болсын.

2. Сіз өлімнен өте қатты қорқасыз. Өмірдің қызығын көріп үлгерместен, ойдағы мақсаттарымды орындап болмастан бір күні аяқ астынанөліп кетем-ау деген ой маза бермейді. Осылай ойлауға да бола ма екен? Бәрімізге түбі бір өлңм келеді. Алайда оны ұзартуға өзіміз сеп бола аламыз. Денсаулығыңызға көңіл бөліп, әр сәттен ләззат таба біліңіз. Өткен шаққа бас қатырмай, болашаққа алаңдамай, осы шақпен өмір сүріңіз.Сонда қорқыныш бақытыңызға бөгет бола алмайды.

3. Сіз жәндіктен не жыланнан, өрмекшіден қорқасыз. Тіпті кейде мұны көргенде сандырақтап, өзіңізді қоярға жер таппайсыз. Әлдекім сіздің бұл қылығыңызды келеке етіп күлуі мүмкін. Бірақ сізде бұл жай ғана қорқыныш емес, шын мәнінде фобияға айналып кетуі мүмкін. Қорқатын нәрсеңізден барынша алшақ жүруге ұмтылыңыз.  Өмірде олардан да жаман нәрселер бар екенін ескеріп, өмірден қуаныш таба біліңіз. Сол себепті өзіңізді қорқыныштан жоғары қойыңыз.