Бір ауыз сөз жазады, мың көңілдің жарасын
![Бір ауыз сөз жазады, мың көңілдің жарасын](/userdata/news/news_8586/photo.jpg)
Тағылымды сөз айтқан даналарымыз: «Бір ауыз сөз жазады, мың көңілдің жарасын, бір тәуекел бұзады, мың қайғының наласын» дейді екен. Сөз сөйлей білудің өзі де үлкен өнер. Ендеше, қалай сөйлегенде басқалардың назарын аударуға болады?
- Ыңғайсыздықта қалған адамға бір ауыз араша сөз айта біліңіз. Басқаларға көмектесу тек ақша, еңбек, уақыт жағындағы қолғабыс қана емес. «Жақсы сөз – жарым ырыс», осындай бір ауыз сөзіңіздің өзі ол адам үшін өте маңызды болмақ.
- Сәтсіздікке ұшыраған жандарға бір ауыз шабыттандырар сөз айта біліңіз. Сөз жанға шуақ, тірлікке тыныс, сенім бағыштайды.
- Не істерін білмей дағдарған жанға бір ауыз толғамды түйін, ақыл айта біліңіз. Сол алтыннан қымбат бір ауыз лебіз оны әрі-сәрі күйден арылтып, серпілтуі мүмкін.
- Жақын жанашыры алыста қалған немесе жоқ жандарға бір ауыз қолдау айтыңыз. Жанында сүйенер жанашыры жоқ адамдардың өзіне сенімі аз, ол басқалардың өзін қолдап-қуаттауынан күш алады. Сосын да, мұндай жандарға кезіккенде, оларға медет беретін сөздерді айта білу маңызды.
Дайындаған: Мейіржан Әуелханұлы
Сурет: socialconfidencecenter.com
M. Auelkhan