Ақпараттық хабарлама

2020 жылдың 12 тамызында өтетін Қазақстан Республикасы Парламент Сенатының сайлауына қатысушы кандидаттарға «EffectiveMediaLiaison» ЖШС-інің «https://massaget.kz/» сайтында Ғаламтор алаңын ұсынуының жалпы шарттары

«EffectiveMediaLiaison» ЖШС – «https://massaget.kz/» сайтының (әріқарай – Сайт) меншік иесі, 28.09.1995 жылғы “Қазақстан Республикасындағы сайлау туралы” Қазақстан Республикасының Конституциялық Заңына сәйкес, Қазақстан Республикасы Парламенті Сенатының депутаттарына (бұданәрі - үміткер) Қазақстан Республикасы Президентінің 2020 жылғы 11 маусымдағы № 351 Жарлығымен тағайындалған, 2020 жылғы 12 тамыздағы сайлауына қатысу үшін сайлау алды агитациялық материалдарын (ары қарай - агитациялық материалдар) Сайтта жариялау шарттары, Интернетте берілетін алаң көлемі, ақысы жайлы ақпараттандырады.

Сайлау алды үгіт-насихат жұмыстары Қазақстан Республикасы Парламенті Сенатының депутаттығына кандидаттарды тіркеу кезеңі аяқталған кезден басталады және сайлау алдындағы күннің жергілікті уақыты бойынша нөл сағатта аяқталады, осылайша, Сайлау алды үгіт материалдарын сайтта орналастыру 2020 жылғы 23 шілдеде сағат 18:00-ден бастап 11 тамыз сағат 00.00-ге дейін жүзеге асырылады. 

Сайт Интернет аланың жазбаша өтініш пен Сайттың иесі мен Кандидаттың немесе Кандидаттың уәкілетті өкілінің арасында жасалған келісім негізінде ұсынады. Үгіт материалдарын орналастыру саны мен мерзімі үміткердің немесе оның уәкілетті өкілінің жазбаша өтінішінде көрсетіледі, олар келісімшартта тіркеледі.

Өтініш кезек ретімен, әр жазбаша өтінішке реттік нөмір мен өтініштің түскен күні жазылып, Кандидаттардың өтініштерін тіркеу журналында тіркеледі.

Өтінішке келесі құжаттарды тіркеу керек:

1) Кандидаттың тіркелгенін растайтын құжаттың көшірмесі;

2) Кандидат өкілінің өкілеттігін растайтын құжаттың көшірмесі;

3) Өтініш жіберушінің жеке куәлігінің көшірмесі;

4) Келісім шарт жасаушы тұлғаның өкілеттігін растайтын құжат.

Сайтта агитациялық материалдар өтініштердің түсу ретіне қарай жарияланады немесе өтініштер бір уақытта келген жағдайда жариялану реті жеребе арқылы анықталады.

Агитациялық материалдар Сайтқа жарияланымнан 1 (бір) жұмыс күн бұрын берілуі тиіс. Агитациялық материалдар мазмұнында ақпаратты ұсынушының қаржыландыру көзі мен тегі туралы визуал ақпарат болуы тиіс.

Агитациялық материалдарды ұсынған Кандидаттар, оның Қазақстан Республикасы заңнамасына сәйкестігіне жеке-дара жауап береді.

Агитациялық материал мазмұнында конституциялық құрылымды өзгерту идеясы болса, республиканың тұтастығын бұзу, мемлекеттің қауіпсіздігіне нұқсан келтіретіндей, әлеуметтік, нәсілдік, ұлттық, діни, тектік, рулық алауыздықтар тудыратын, қатыгездік пен зорлық-зомбылықты көрсететін, заңда қарастырылмаған әскери құрылымдар, сондай-ақ Қазақстан Республикасы Парламент депутатына үміткер өзге кандидаттардың абыройы мен іскерлік беделіне нұқсан келетін болса, Сайттың меншік иесінің материалды жарияламауға құқығы бар. Кандидат Сайттың меншік иесінің талабына сай материалда жоғарыда көрсетілген сарындағы ақпараттарға байланысты құжатты көрсетуге міндетті. 

Осы ақпараттық хабарландыруда көрсетілген Интернет алаңдарын ұсыну ережесі мен талаптары Қазақстан Республикасындағы өкілетті органдардың талабына сай өзгеруі мүмкін.

Агитациялық материалдарды Сайтта жариялау құны: 

1)  Мақала (2 500 символдан аспайтын, 1600х900 пиксельді 3 сурет) - 150 000 (жүз елумың) теңге, ҚҚС қосқанда;

2)  Баннер (1000 көрсетілім) - 500 (без жүз) теңге, ҚҚС қосқанда, кез келген көлемдегі баннер. 

Сайттың компьютерлік нұсқасындағы баннер көлемі: 980х100 (ауыспалы), 240х210 (ауыспалы), 655х80 (ауыспалы), 240х400 (ауыспалы).

Сайттың мобильдік нұсқасындағы баннер көлемі: 320х100 (ауыспалы).

Жарияланған материалдар Desktop және Сайттың мобильдік нұсқасында көрінеді. 

Келісімшарт бойынша агитациялық материалдарды жариялау үшін төленетін ақы Сайттың меншік иесі төлем шотын ұсынғаннан кейін 5 (бес) жұмыс күні ішінде жүзеге асырылуы тиіс.

Жазбаша өтініштерді Сайттың меншік иесі алғашқы және соңғы күнді қоса есептегенде 2020 жылдың 19 шілдеден бастап 2020 жылдың 08 тамызына дейін (демалыс және мереке күндерінен басқа) 10 сағат 00 минуттан 18 сағат 00 минутқа дейін қабылдайды.Мекен-жайымыз: Алматы қаласы, Мыңбаев, 151 (тоғызыншықабат).

Жазбаша өтініштер факс және Ғаламтор байланыстары бойынша қабылданбайды.

Барлық материалдар «Агитациялық материал» белгісімен бірге жүреді.

«EffectiveMediaLiaison» ЖШС

Бөлісу: