Тарихи жеңіс: әлем чемпионы Айдос Сұлтанғали елге оралды
Грек-рим күресінен әлем чемпионы Айдос Сұлтанғали елге оралды, - деп хабарлайды Massaget.kz тілшісі.
23 қыркүйекке қараған түні Хорватия астанасы Загреб қаласында өткен күрес түрлерінен әлем чемпионатында грек-рим күресінен ересектер арасындағы әлем чемпионы Айдос Сұлтанғали мен ұлттық құрама спортшылары, бапкерлері Астанаға келді.
Спортшыларды жанкүйерлері, әскери оркестр қарсы алды.
Суреттер: gov.kz
Айта кетейік, 60 келіде бақ сынаған Айдос Сұлтанғали финалдық бәсекеде Өзбекстан балуанын таза жеңген еді. Ол бұған дейін 2018 және 2022 жылдары қола жүлдені еншілеген болатын.