Астанада жақында фотографтар мен видеографтар үшін жаңа "көрікті" орын пайда болды. Қалдаяқов көшесі қазір қала тұрғындары жиі келетін, серуендеп, суретке түсетін жаңа орталыққа айналып жатыр. Бұл маңда ЛРТ желісі де аяқталып, айналасы абаттандырылған. Қарсы бетте - қымбат үйлер, ал көшенің бойынан Ақорда көрінеді, екі-үш қадам жерде Президент паркі орналасқан. Сол себепті жұрт Қалдаяқов көшесін қазір "инстаграм көшесі" деп атап жүр: мұнда қарапайым адамдар ғана емес, танымал тұлғалар да фотосессия жасайды.
Бірақ осы әдемі жерде блогерлер мен фотографтар кадрға қоспауға тырысатын бір үй бар.
Бұл тұрғын үй кешені - "Гранд Астана Элит". Тұрғындар оны әзілдеп оны "Астанадағы ең қызғылт үй" дейді. Расында, қасбеті екі түрлі қызғылт түске боялған. Бірақ тұрғындардың айтуынша, осы түсі мен пәтердің жоспарынан басқа көңіл қуантарлық дүние аз. Көршілес "бай" үйлермен салыстырғанда, бұл кешен сырттай да арзан, "элит" атағына сай емес көрінеді. Тұрғындар да мұны жасырмайды.
Мәселе тек сыртқы көріністе емес. Ең қиыны - қауіпсіздік.
Үйдің қасбеті жиі опырылып түседі. Бұған дейін құлаған бөліктер көліктерге құлап, кей пәтерлердің терезесін сындырған. Бұдан кейін үйдің бойына көлік қоюға тыйым салынып, әкімдік қоршау орнатқан. Екі көлік иесіне тұрғындар тарапынан өтемақы төленген. Абырой болғанда, зардап шеккендер болмаған.
Кешеннің ОСИ төрағасы Аман Тлеубаевтың айтуынша, тұрғындар фасадты жылдар бойы өз қаражаттарына "жамап" келеді, бірақ бәрібір қайта-қайта құлап жатыр. Толық ауыстыру қажет, алайда бұл өте қымбат.
Анықтама: "Өркен қала" ЖШС - Астана әкімдігі жанындағы тұрғын үй қорын жаңғырту тетігін іске асыратын уәкілетті ұйым.
Кешеннің ауласына көтерілетін пандус әсіресе қыста қауіпті: "экстрим сүйетіндерге арналғандай" әсер береді. Көшеден аулаға шығатын баспалдақ та ыңғайсыз: егде адамдарға, арбамен жүрген аналарға немесе мүмкіндігі шектеулі азаматтарға өте қиын, тіпті "лабиринт" сияқты көрінеді.
Аула ішінде үлкен трансформаторлық қосалқы станса орналасқан. Ол жақын маңдағы бірнеше тұрғын үй кешенін электр қуатымен қамтамасыз етеді.
Тұрғындар оны балалар алаңына тым жақын тұрғаны үшін және қатты шу шығаратыны үшін басқа жерге көшіруді сұраған, бірақ әзірге нәтижесіз.
Тұрғындардың айтуынша, бастапқыда бұл кешен бизнес-класс ретінде жоспарланған. Пәтерлер 2005 жылы, құрылыс жүріп жатқан кезде сатылған. Құрылыс 2004 жылы басталған, бірақ үй тек 2011 жылы пайдалануға берілген. Яғни бұл - ұзаққа созылған "сақалды құрылыс".
Себебі бастапқы құрылыс компаниясы "Қуат" банкротқа ұшыраған. Үлескерлерді далада қалдырмау үшін үйді бюджет қаражаты есебінен аяқтап берген (жұмысты "Супер аккорд Астана" ЖШС аяқтаған). Ал бюджетке сүйенген соң үнемдеу басталып, сапа төмендеген. Нәтижесінде "бизнес-класс" жоспары орындалмай қалған.
Тұрғын Елена Остаповичтің айтуынша, жобада LG лифттері, кіреберістерде мәрмәр секілді қымбат заттар болуға тиіс еді. Бірақ кейін лифттер ұзақ уақыт істемей, тұрғындар құрылыс материалдарын баспалдақпен тасуға мәжбүр болған. Сол себепті пәтердегі жөндеу жұмыстары да екі есе қымбатқа түскен.
Алғашында орнатылған лифттер 9 қабатты үйге арналған болып шыққан (ал кешен 19 қабатты). Кейін оларды жаңғыртып, 19 қабатқа дейін көтерілетіндей еткен.
Құрылыс салушылар лифтті ауыстырмаған. Ақыры тұрғындар өздері несие алып, лифттерді ауыстыруға мәжбүр болған. Енді әр пәтер 15 жыл бойы ай сайын шамамен 7-8 мың теңге төлейді (пәтердің шаршы метражына қарай өзгереді). Тұрғындар "ең болмаса қауіпсіздік үшін" деп көнген.
Жертөледегі паркингте төбеден су ағып, із қалған.
Тұрғындардың айтуынша, олар өрттен қатты қорқады, өйткені:
Тұрғындар бірнеше рет әкімдік, аудан, депутаттармен кездескен. Бірақ олар "үй сендердікі, өздерің жөндеңдер" деген жауап алғанын айтады.
Аулада бір қосымша ғимарат бар екен. Бастапқы жобада мүмкіндігі шектеулі жандарға арналған арнайы лифт болуы керек еді, корпус - соған арналған. Бірақ механизм болмағандықтан ол мүлде іске қосылмаған. Қазір ол қойма ретінде қолданылады.
Қазір "Гранд Астана Элит" тұрғындарының алдында екі өте маңызды мәселе тұр:
Тұрғындар бұл кемшіліктерді үйді пайдалануға бергенде "байқамай қалған" болуы мүмкін деп күмәнданады. Редакция Астанада мұндай проблемасы бар тұрғын үйлер аз емес екенін атап өтеді.
Мәтін - Иван Сухоруков
Cуреттер - Маржан Қуандықова