Мың бояулы Алматы: қаланың "төменгі бөлігінен" репортаж
Алматы бұрыннан жоғарғы және төменгі бөлікке бөлінеді. Бұған себеп - таулардың орналасуы. "Қаланың төменгі бөлігі" қазір қандай күйде? Massaget.kz тілшісі материалында.
Алматы - мың бояулы қала
Алматы - мың бояулы қала. Қаланың жоғарғы бөлігі "қымбат", ал төменгі жағы "қарапайым әрі арзан" деген дәстүрлі түсінік бар. Сонымен қатар, қала тұрғындары бұл шекараны әрқалай белгілейді: бірі "қаланың төменгі жағы" Райымбек даңғылынан кейін басталады десе, енді бірі Мақатаев немесе тіпті Гоголь көшесінен бастап есептейді.
Көпшілік "төменгі жақтың" басты кемшілігі ретінде ауа сапасын атайды. Мысалы Түрксіб ауданындағы ауа сапасы Бостандық ауданына қарағанда ластау; сондай-ақ, логистикалық және өнеркәсіптік аймақтар көп екені де айтылады.
Жоғарғы жақпен салыстырғанда төменгі бөлікте "қалалық орта нашар дамыған" деген стереотип бар. Алайда мұнда заманауи абаттандыру мен ерекше атмосфераны, жайлы орындар мен өз ауданын шын жүректен жақсы көретін жандарды кезіктіруге болады.
Жергілікті Арбат және Ленин ескерткіші
Тілеуберді Сауранбаев көшесіндегі Аймауытов пен Шолохов көшелерінің қиылысына дейінгі аралық жаяу жүргіншілерге арналған. Бірден көзге түсетіні - балалар және спорт алаңқайлары. Мұнда бала өте көп.
Сурет: ©️ Tengrinews.kz / Никита Данилин
Сурет: ©️ Tengrinews.kz / Никита Данилин
Жол жиегінде жасыл желекке оранған кеңестік екі қабатты тұрғын үйлер орналасқан. Бұл үйлердің тұрғындары терезе алдына гүл егіп, шағын бақша жасауға тырысады.
Сурет: ©️ Tengrinews.kz / Никита Данилин
Біраз төмен түссеңіз, жаңа бес қабатты үйлерді көруге болады.
Сурет: ©️ Tengrinews.kz / Никита Данилин
Ал көшенің екінші жағында алты қабатты құрылыстар бой көтеріп жатыр.
Сурет: ©️ Tengrinews.kz / Никита Данилин
Бұл көше әдемі әрі алуан түрлі муралдарға бай болып шықты. Мұның бәрі қаланың осы ауданындағы "Арбатқа" балама ретінде көрінеді.
Сурет: ©️ Tengrinews.kz / Никита Данилин
Сурет: ©️ Tengrinews.kz / Никита Данилин
Бұл жерден субұрқақ та табылады.
Сурет: ©️ Tengrinews.kz / Никита Данилин
Бұл аудандағы кез келген шағын жол немесе кең аллея биік, жайқалған ағаштар және алуан түрлі гүлзарлармен қоршалған. Жаздың аптап ыстығынан тасаланатын жер табылады.
Сурет: ©️ Tengrinews.kz / Никита Данилин
Шолохов көшесінде бірден екі мектеп орналасқан: №59 гимназия және №83 гимназия. Бұл көшенің жаяу жүргіншілер аймағы екі жағынан да абаттандырылған: мұнда төсеме тастар да, орындықтар да бар.
Сурет: ©️ Tengrinews.kz / Никита Данилин
Мұнда кеңес дәуірінен сақталған автобус аялдамаларын көруге болады. Мұндайды қала орталығынан кездестіре алмайсыз.
Сурет: ©️ Tengrinews.kz / Никита Данилин
Мұқият қарасаңыз, олар жоғарыдан төмен қарай қыш ыдыс сынықтарымен безендірілген. Мұны кезінде жұмыс істеген Алматы қыш зауытының жарамсыз өнімдерін пайдаға асыру тәсілі десе де болады.
Сурет: ©️ Tengrinews.kz / Никита Данилин
Сейфуллин даңғылы мен Шолохов көшесінің қиылысы тіпті түскі уақытта да көлікке лық толы. Қиылыста да адам көп.
Сурет: ©️ Tengrinews.kz / Никита Данилин
Әрі қарай Сәкен Сейфуллин атындағы саябақ. Оның ішінен ойға батқан Владимир Ильич Лениннің ескерткішін көруге болады.
Сурет: ©️ Tengrinews.kz / Никита Данилин
Мұнда жүгіріп жүрген бала көп, аула сыпырушылар жұмыс істеп, әйелдер гүл егіп жатыр.
Сурет: ©️ Tengrinews.kz / Никита Данилин
Сквердің өзі өте жақсы күтім көрген, жайлы әрі жап-жасыл.
Сурет: ©️ Tengrinews.kz / Никита Данилин
"Қалаға қарағанда жақсы"
Сәл жоғарыда жергілікті Оқушылар үйі орналасқан. Оның маңына балалар велосипедтері қойылған. Картаға сүйенсек, мұнда спорттық және дәстүрлі ушу федерациясы да бар.
Сурет: ©️ Tengrinews.kz / Никита Данилин
Сурет: ©️ Tengrinews.kz / Никита Данилин
Мекеме маңында тағы бір жасыл әрі әдемі сквер бар. Серуендеп жүрген жергілікті тұрғын жасы 71-де екенін айтып, осы ауданда өмір бойы тұрып келе жатқанын жеткізді.
"Бізде бәрі бар. Базар да, мектеп те, балабақша да, саябақ та, емхана мен аурухана да бар. Қалаға барып не керек?" - деді ол.
Сурет: ©️ Tengrinews.kz / Никита Данилин
Әрі қарай Сәкен Сейфуллин есімімен аталатын саябақ орналасқан. Ол Шолохов көшесінің бойында тұр. Саябақтың орталығы әрі басты көрікті жері - көз тартарлық жарқыраған субұрқақ.
Сурет: ©️ Tengrinews.kz / Никита Данилин
Айнала өте таза әрі жасыл желекке оранған. Мұнда велосипед жолдары, скейт парк, тіпті ит серуендетуге арналған алаңқай да бар.
Сурет: ©️ Tengrinews.kz / Никита Данилин
Көшенің келесі бетінен тағы да ескі екі қабатты үйлерді көруге болады.
Сурет: ©️ Tengrinews.kz / Никита Данилин
Сурет: ©️ Tengrinews.kz / Никита Данилин
Бұл ауданда әлі күнге дейін ескі балалар алаңқайларын кездестіруге болады. Алматының орталығынан мұндайларды қазір таппайтыныңыз анық.
Сурет: ©️ Tengrinews.kz / Никита Данилин
"Алматы-1" вокзалы маңындағы тарихи аудандарды аралау өте жағымды әсер мен ерекше көңіл күй сыйлайды.