Алматыдағы бір көшеге Денис Теннің есімі беріледі

24 қыркүйек 2025, 12:15

Алматының Бостандық ауданындағы бір көшеге марқұм мәнерлеп сырғанаушы Денис Теннің есімі беріледі. Жуырда Алматы мәслихатының сессиясында осындай шешім қабылданды.

Спортшының құрметіне Президент саябағынан жоғары орналасқан "Архат" шағынауданындағы 7-көше аталмақ.

Бұл тұйық әрі шағын ғана көше болып шықты, ұзындығы - шамамен 800 метр.

©️ Tengrinews.kz / Никита Данилин

Көшенің екі жағында да қымбат жеке үйлер орналасқан. Кейбір жерлерде биік қоршаулар артында құрылыс жүріп жатыр.

Сондай-ақ, мұнда қылқанжапырақты ағаштарды байқауға болады.

Үйлердің қоршауларындағы көше атаулары әлі де бұрынғы қалпында тұр. Денис Теннің есімі көрсетілмеген. Алайда оларды ауыстыру үшін әлі біраз уақыт керек.