Тамыздың 28-і күні Қазақстан Жазушылар одағы басқармасы мен М.Әуезов атындағы Әдебиет және өнер институты бірлесе отырып белгілі жазушы, этнограф, тарихшы, ғалым Зейнолла Сәнікті еске алуға арналған ғылыми-тәжірибелік конференция өтеді.
Зейнолла Мүбәракұлы Сәнік 1935 жылы Қытайдың Тарбағатай аймағында дүниеге келген. Пекин қаласындағы орталық жастар институтын бітіріп, еңбек жолын баспагерліктен бастаған. Үрімжідегі жастар баспасында жауапты редактор болып қырық жылдай қызмет атқарған. 1955 жылдан бастап әдеби зерттеу жұмыстарын жаза бастаған. Сол уақытта Қытайда жүргізілген "мәдени төңкерістің" ауыр соққысына ұшырап, "халық жауы" болып, ауыр күндерді де өткерген.
Соған қарамастан, қаламгердің ғылыми еңбектерінен, роман, повестерінен құралған жиырмадан астам кітабы жарық көрген. Қазақстанда "Қаракерей Қабанбай", "Хас батыр Қабанбай", "Тұғырыл хан", "Демежан батыр", Халық күйшісі Қайрақбай", "Баспай" атты кітаптары мен еңбектері жарияланған.
Қадірлі қаламгер 2013 жылдың 26 қыркүйегінде өмірден озды.
Дайындаған: Мейіржан Әуелханұлы
Сурет: blogspot.com