Гитлердің мүсіні 17 млн долларға сатылды
![Гитлердің мүсіні 17 млн долларға сатылды](/userdata/news/news_38288/image_l.jpg)
Фото:
rus.tvnet.lv
Нью-Йоркте өткен Christie's бәссаудасында италиялық суретші Маурицио Каттелана жасаған Адольф Гитлердің тізерлеп тұрған мүсіні 17 миллион АҚШ долларына сатылды.
Мүсін «Ол» деп аталады. Резеңке және балауыздан дайындалған туынды бірнеше жыл бұрын Варшавадағы еврейлер геттосы шоғырланған Заманауи өнер орталығына қойылған. Мыңдаған боздақтың жаны қиылған орында Гитлердің мүсінін қоюға халық наразылығын білдірді.
Бұл туынды Каттелананың жеке рекорды болып отыр. 55 жастағы мүсінші бұған дейінгі мүсіндерінің бірін 7,9 млн долларға сатқан болатын.
Каттелананың туындылары бұған дейін де Польшада бірнеше рет қоғамның наразылығын тудырған. Солардың бірі – 2000 жылы жасалған «Тоғызыншы сағат» мүсіні. Онда Рим папасын метеорит басып қалғаны бейнеленген.
B. ZHAQSYMBET