Әлихан Бөкейхан туралы замандастарының естеліктерінен топтама

Қазақ тарихында 1866 жылдың өзіндік орны бар. Дәл осы жылда, шуақты көктемнің бесінші күні қазақ даласында Әлихандай ұлтын сүйер ұл дүниеге келді. "Тірі болсам қазаққа қызмет қылмай қоймаймын" деп, бүгінгі Тәуелсіздікті өз заманында аңсаған алаш зиялысы ұлы мақсат жолында қаза тапты.

Сөйлесе шешендігімен, топқа түссе көсемдігімен көзге түскен алаш арысы замандастарының алдында қашанда абыройлы болды. Бір дәуірде туып, бір мұңды жырлаған, бір терінің пұшпағын илеп, бір мақсатты көздеген  Алаш қайраткерлері ұлт көшбасшысы Әлихан Бөкейхан туралы айтқан естеліктерінен топтама ұсынамыз. Қайраткерлермен қатар, қызы Лиза да әкесі туралы сыр шертеді.