Ottegi Podcast. Ескендір Бестай: Тәрбиенің сипаты – үнсіздік

Massaget.kz жастар порталы сайттың 10-жылдық мерейтой құрметіне Ottegi подкастар легін дайындаған болатын. Алғашқы эпизод қонағы – педагог, тренер, бала бақытын қорғаушы Ескендір Бестай. Әлем педагог-психологтарының пікірі мен қазақы тәрбиені және өзінің әкелік тәжірибесін ұштастырып, қоғамға пайдалы, сапалы ақпарат беріп жүрген азамат.

1 маусым – Балаларды қорғау күніне подкастың алғашқы саны жарық көрді. Педагог-тренер Ескендір Бестай бала тәрбиесі, бала бақытын қорғау туралы сүбелі ой айтты. "Бала бақытты болу үшін ата-ана тарапынан не керек, жақсы көре алу, махаббат пен жек көру бір ұғымға сая ма" деген сұрақтардың жауабын аласыз.

"Бала тәрбиесінің басты формуласы – шексіз жақсы көру және шартсыз қабылдау" дейді педагог. Ол осы дәйексөздің мән-сырын тереңінен ашты. Жас ата-аналар бұдан да басқа өзекті әрі маңызды керек кеңестер ала алады.

Көңіл дәптеріне түрте отырыңыз.

Ендеше құлаққабыңызды дайындаңыз.

“Оттегіні” тыңдап, текті ойдан тағылым алыңыз.