Олимпиада тарихы: Қазақстан 1996 жылдан бері қанша жүлде алды?

Бүгін Париждегі жазғы Олимпиада ойындары аяқталады. Қазақстан құрамасы 1996 жылдан бері қоржынға қанша жүлде салды? Толығырақ Massaget.kz тілшісі материалында.

Олимпиаданың жабылу салтанаты 23:15-те болады. Әлішер Ерғали Қазақстан үшін медаль алып келуі мүмкін болған соңғы спортшы еді. Алайда балуан ирандық Әмір Азапиреге есе жіберді.

Нәтижесінде, Қазақстан 2024 жылғы Олимпиада ойындарын жеті медальмен аяқтады.

Алтын: 

• Елдос Сметов дзюдодан алтын медаль жеңіп алды.

Күміс: 

• боксшы Нұрбек Оралбай,
• гимнаст Нариман Құрбанов,
• грек-рим күресінің балуаны Демеу Жадыраев күміс иеленді.

Қола:

• дзюдошы Ғұсман Қырғызбаев,
• боксшы Назым Қызайбай,
• нысана көздеушілер Александра Ле мен Ислам Сатпаев қола жеңіп алды. 

Қазақстан ХХХІІІ Жазғы Олимпиада ойындарында 1 алтын, 3 күміс және 3 қола еншілеп, 206 мемлекет ішінен 41 орында тұр.

• Қазақстан 1996 жылы Атлантада өткен Олимпиадада 11 медаль;
• 2000 жылы Сиднейде өткен Олимпиадада 7 медаль;
• 2004 жылы Афинада өткен Олимпиадада 8 медаль;
• 2008 жылы Пекинде өткен Олимпиадада 9 медаль;
• 2012 жылы Лондонда өткен Олимпиадада 11 медаль;
• 2016 жылы Рио-де Жанейрода өткен Олимпиадада 17 медаль;
• 2020 жылы Токиода өткен Олимпиадада 8 медаль;
• 2024 жылы Парижде өткен Олимпиадада 11 медаль еншіледі. 

28 жыл ішінде еліміздің намысын қорғаған спортшылар 82 жүлдеге қол жеткізген. 

Аптаның басты оқиғалары мен пайдалы видеоларды көру үшін YouTube арнамызға жазылыңыз