Экватор сызығы туралы қызықты деректер

Мектеп партасында география сабағынан экватор сызығы туралы әртүрлі мағлұматтарды алған болармыз. Географиялық ақпараттар кез келген жерде пайдамызға жарайтыны белгілі. Ендеше экватор сызығы туралы қызықты деректер топтамасын ұсынамыз.

• Эквадор астанасы Кито қаласынан алыс емес жерде нөлінші параллель өтетін нүкте белгіленген. Бұл жерден ең үлкен параллель экватор өтеді. Нақтырақ айтсақ, экватор сызығы белгіленген нүктеден 240 метр солтүстіктен өтеді. 
• Экватор 33 аралды кесіп өтеді. Оның 17-сі Индонезия құрамына кіреді. Оның ішінде екеуі Калимантан аралындағы көлде орналасқан. Тағы 11 арал Амазонка өзенінде болса, қалған 5-еуі Африкадағы Виктория өзенінде жатыр. 
• Заттар полюстен экваторға орын ауыстырған кезде 0,53 пайызға салмағын жоғалтады. Бұл – Жер ортасынан алыстаған кезде болатын процесс. 
• Әлемнің 14 елі экватор сызығында орналасқан. Әзірге ешбір саяхатшы экватор сызығымен саяхат жасамаған. Ол үшін небары 14 елді аралау керек болады. 
• Экватор сызығы Жер ортасынан полюстерге қарағанда 21,3 шақырымға алыс. 
• Геостационарлық орбита экватор бойында 35 786 шақырым биіктікте орналасқан. Осындай биіктікте Жердің жасанды серіктері айналады. Сигнал жерден спутникке 0,25 секундта жетеді. 
• Экватор ұзындығы – 40 075 шақырым. Қазақстандағы көліктер орташа есеппен екі жылда осы қашықтықты басып өтеді. 
• Эквадор еліндегі Каямбе жанартауы экватор сызығында орналасқан ең биік нүкте болып саналады. Оның биіктігі – 4690 метр. Бұл – экватордағы қар түсетін жалғыз жер. 

Каямбе шыңы 

• Жер экватор бойында секундына 465 метр жылдамдықпен айналады. Ол ауадағы дыбыстың жылдамдығынан (секундына 331 метр) да жылдам қозғалады. 
• Экватор Жер ортасынан алыстау орналасқандықтан, мұнда ғарыш зымыранын ұшыру біршама жеңілдеу. Аппарат бірден дыбыстан жоғары жылдамдыққа ие бола алады. Нәтижесінде орбитаға шығу үшін жұмсайтын жанармайдың 10%-ын үнемдейді.