Қосымша 5 мың грант кімдерге, қай өңірлерге бөлінеді?

Фото: egemen.kz

07 тамыз 2019, 13:51

Мемлекет басшысы Қасым-Жомарт Тоқаевтың тапсырмасымен бөлінген 5 мың әлеуметтік білім грантын жергілікті атқарушы органдар конкурстық негізде үлестіреді. Бұл үшін облыс, республикалық маңызы бар қалалар мен астана әкімдерімен конкурстық комиссиялар құрылатын болады, деп хабарлады ҚР Білім және ғылым министрлігі.

Министрліктің мәліметінше, бұл гранттарды жергілікті атқарушы органдар конкурс негізінде береді. Бұл үшін облыс, республикалық маңызы бар қалалар мен астана әкімдерімен конкурстық комиссиялар құрылады.

"Көрсетілген гранттарға көпбалалы отбасыдан шыққан немесе атаулы әлеуметтік көмек көрсетілетін отбасыдан шыққан балалар үміткер бола алады. Конкурсқа қатысу үшін 2019 жылғы маусым айында өткізілген ҰБТ-дан шекті балл жинау – конкурстың негізгі шарты. Ұлттық жоғары оқу орындарына түсу үшін ұлттық бірыңғай тестілеу нәтижесі бойынша кемінде 65 балл, басқа жоғары оқу орындарына кемінде 50 балл, "педагогикалық ғылым" бағыты бойынша кемінде 60 балл жинау керек", - делінген министрліктің хабарламасында.

Конкурсқа қажетті құжаттар тамыздың 5-10 аралығында қабылданады. Білім гранттарын тағайындау және жоғары оқу орындарына қабылдау 25 тамызға дейін жүргізіледі. Грант иегерлерінің тізімі жергілікті бұқаралық ақпарат құралдарында жарияланады.

№	Облыстар	Гранттар саны	ЖАО жауапты тұлға	Контактілер
1.	Нур-Султан қ.	165	Айтжанова Гульжан Жаксылыковна	8(7172)556878, 556857
2.	Алматы қ.	190	Қанатбекұлы Ербол	8(727) 2622741
3.	Шымкент қ.	390	Дарыбаева Гульнара Турдыбаевна	8(7252) 558718, 87023223782
4.	Алматы	540	Саида Саманова	8(7282) 329689
5.	Ақмола	390	Садвакасов Бекжан Серикович	8(7162) 903122, 903123
6.	Ақтөбе	180	Калиева Гульбарам Есеновна	8(7132) 560461 87471142719
7.	Атырау	220	Исанберденова Аккенже Аяпбергеновна	8(7122) 270940
8.	ШҚО	180	Алима Ақылбек	8(777)2267343
9.	Жамбыл	460	Бектаева Шынар Сералиевна	8(7262) 438814, 438881
10.	БҚО	100	Гумарова Зауре Базаргалиевна	8(7112) 260470
11.	Қарағанды	195	Нұрсұлтан Гулдана Ерболатовна	8(7212) 412281, 87012883140
12.	Қостанай	85	Киселева Ольга Павловна	8(7142) 575319, 575317
13.	Қызылорда	390	Жунусова Шолпан Оралбаевна	8(7242) 605458, 605457
14.	Маңғыстау	305	Кулатаева Клара Кашкинбаевна	8(7292) 571204
15.	Павлодар	75	Азамбаева Нургуль	87052253237 8(7182) 663842
16.	СҚО	60	Протокопова Татьяна Николавена	8(7152) 463288
17.	Түркістан	1345	Касымбекова Айгуль	8(7253) 341719, 87781795901

А. Қажиев