Екінші жалпыхалықтық диктант қашан болады?

Екінші жалпыхалықтық диктант қашан болады?
Фото: massaget.kz

Қазақстан халқы Ассамблеясының хабарлауы бойынша, 10 қыркүйек күні Қазақстанның барлық өңірінде латын графикасына негізделген жалпыхалықтық диктант ұйымдастырылады.

Еліміздің барлық облыс, қала, аудан кітапханалары мен ЖОО-ы диктантты сағат таңғы 11:00-де бастайды. Диктанттың тақырыбы – "2019 jyl – Jastar jyly". Шараның мақсаты – этносаралық коммуникация тілі ретінде мемлекеттік тілдің маңызын нығайту.

Қазақстан халқы Ассамблеясы таратқан хабарламада: "Оған ҚХА Төрағасының орынбасары – Хатшылық меңгерушісі Жансейіт Түймебаев, ҚР Парламенті Мәжілісінің депутаттары, ҚХА мүшелері, мемлекеттік органдар мен этномәдени бірлестіктердің өкілдері, ҚХА жастар қанаты, мемлекеттік және қоғам қайраткерлері, студенттер қатысады", деп жазылған.

Диктант Нұр-Сұлтан қаласында ҚР Ұлттық академиялық кітапханасында өтеді.

А. Қажиев