Қазақстанда зейнетке шығу шарттарын қайта қарау ұсынылып отыр. Ұсыныстардың бірі бойынша зейнетке шығу кезінде азаматтың жасымен қатар, 40 жылдық еңбек өтілі де ескерілуі мүмкін, - деп хабарлайды Massaget.kz тілшісі.
Еңбек және халықты әлеуметтік қорғау министрлігі барлық ұсыныс әзірге талқыланып жатқанын және түпкілікті шешім қабылданбағанын мәлімдеді.
Министрлік мемлекеттік органдардың, салалық ұйымдардың және сарапшылар қауымдастығының өкілдері кірген арнайы жұмыс тобын құрған.
Ведомство мәліметінше, жұмыс тобының мақсаты - зейнетақы жүйесінің ұзақ мерзімді қаржылық тұрақтылығын қамтамасыз ету және зейнетке шыққаннан кейін азаматтарға жеткілікті төлем төлеу жолдарын қарастыру.
Министр Асқарбек Ертаев қатысқан кеңейтілген жиында бірнеше модель қаралған.
Мемлекеттік әлеуметтік сақтандыру қоры әлеуметтік зейнетақы төлемін енгізуді ұсынған. Оның көлемін екі көрсеткішке сүйеніп есептеу ұсынылып отыр:
Ұсыныс авторларының пікірінше, мұндай модель азаматтардың тек жеке зейнетақы жинағына тәуелділігін азайтады.
Бірыңғай жинақтаушы зейнетақы қоры да өз нұсқасын ұсынды. Ұсынысқа сәйкес жұмыс берушінің міндетті зейнетақы жарнасы екі бөлікке бөлінуі мүмкін:
Сенатор Амангелді Нұғмановтың ұсынысы да қаралып жатыр. Ұсыныс бойынша зейнетке шығу шарттарының бірі ретінде міндетті 40 жылдық еңбек өтілін белгілеу көзделіп отыр.
40 жылдан аса еңбек еткен бюджет саласы қызметкерлеріне зейнетке шығу мерзімін оңтайлы айқындау мүмкіндігін беру ұсынылған. Әзірге шешім қабылданған жоқ.
Аптаның басты оқиғалары мен пайдалы видеоларды көру үшін YouTube арнамызға жазылыңыз