Зеленский украин халқына шұғыл үндеу жасады
![Зеленский украин халқына шұғыл үндеу жасады](/userdata/news/news_73044/image_l.jpg)
Украина президенті Владимир Зеленский украиналықтарға баспаналарын тастамауды сұрап, үндеу жасады, - деп хабарлайды Massaget.kz тілшісі.
"Кең ауқымды соғыстың 229-шы күні. 229-шы күні бізді құртып, жер бетінен көзімізді жоймақ. Жалпы. Үйінде ұйықтап жатқан адамдардың көзін жоймақ. Днепр мен Киевте жұмысына бара жатқандардың көзін жоймақ.
Бүкіл Украинада әуе дабылы басылмай тұр. Зымырандардың соққысы әлі де өршіп тұр. Өкінішке қарай, қаза тапқандар мен жараланғандар бар. Өтініп сұраймын, баспаналарыңызды қалдырмаңыздар. Өздеріңізді, туыстарыңызды қорғаңыздар", - деп жазды Зеленский Telegram-да.
Зеленский Киевке жасалған шабуылдардан кейінгі кадрларды да жариялады.
Киев мэрі Виталий Кличко зымырандар қала орталығындағы (Шевченков ауданы) және Соломенск ауданындағы нысандарға түскенін айтты.
"Әуе шабуылы, яғни қауіп сейілмей тұр. Киев тұрғындарына баспанада болыңдар деп үндеу жасағым келеді. Қала маңындағы елді мекендердің тұрғындарынан қалаға шықпауларын сұраймын. Киевтің орталық көшелерін жауып тастады. Тәртіп сақшылары, құтқару қызметі жұмыс істеп жатыр", - деп жазды Кличко.
Украина Ішкі істер министрлігі басшысының кеңесшісі Ростислав Смирновтың айтуынша, зымыран соққысы салдарынан қаланың Шевченков ауданында сегіз адам қаза тауып, тағы 24 бейбіт тұрғын жараланған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина