Украина, Түркия, батыс елдерінің көшбасшылары, соның ішінде Франция президенті Эмманюэль Макрон Кремльге екіжақты кездесуді бірқатар елде, соның ішінде Қазақстанда өткізуді ұсынған. Бұл туралы Украина президенті Fox News арнасына берген сұхбатында айтты, - деп хабарлайды Massaget.kz тілшісі.
"Біз Түркия, Сауд Арабиясы, Қатар, Еуропаның бейтарап елдерінде, соның ішінде Австрия мен Швейцарияда кездесу өткізуді ұсындық. "Қаласа Қазақстан сияқты жерде өткізуге де дайынбыз" дедік. Сол ғана", – деді Зеленский.
Владимир Зеленский Ресей басшысымен кездесуге дайын екенін растады.
Еске салайық, бұған дейін БҰҰ Бас Ассамблеясының 80-сессиясы алаңында Қасым-Жомарт Тоқаев Владимир Зеленскиймен кездесті. Мемлекеттер басшылары екіжақты экономикалық және гуманитарлық ынтымақтастық мәселелерін талқылады.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова