Юлия Путинцева Ролан Гаррос турнирінің екінші айналымына шықты

Фото: Қазақстан теннис федерациясы

29 мамыр 2023, 22:30

Қазақстандық теннисші Юлия Путинцева "Ролан Гаррос" турнирінің бірінші айналымындағы кездесуін өткізді, - деп хабарлайды Massaget.kz тілшісі.

Оның алғашқы матчтағы қарсыласы бельгиялық теннисші Марина Заневская болды. Юлия Путинцева 7:6, 7:6 есебімен жеңіске жетті.

Бірінші сетте Путинцева (WTA рейтингінде 58-орын) 1:4 есебімен әлемнің 89-ракеткасынан жеңіліп тұрған еді. Кейін ол қарсыласын қуып жетіп, алғашқы сетті жеңді. Ал екінші сеттегі тай-брейкте де қазақстандық теннисші үздік болды.

Матч 2 сағат 17 минутқа созылды.

Екінші айналымда Путинцеваның қарсыласы словениялық Тамара Зиданшекті жеңген қытайлық Чжэн Цинвень болады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

М. Лұқпан