Қазақстандық теннисші Юлия Путинцева Бирмингемдегі (Ұлыбритания) WTA250 турнирінің ширек финалына шықты, - деп хабарлайды Massaget.kz тілшісі.
Юлия Путинцева украиналық теннисші, әлемнің 47-ракеткасы Ангелина Калининаны 6:3, 6:0 есебімен жеңді.
Матч 56 минутқа созылды. Путинцева осы уақыт ішінде төрт эйс жасады. Жеті брейк-пойнттың төртеуін сәтті пайдаланды.
Қазақстандық теннисшінің ширек финалдағы қарсыласы кейінірек анықталады.
Аптаның басты оқиғалары мен пайдалы видеоларды көру үшін YouTube арнамызға жазылыңыз