Әйелдер теннисі қауымдастығы (WTA) жекелей және жұптық нәтижелер бойынша рейтингін жаңартты. Қазақстанның екінші ракеткасы Юлия Путинцева бұл рейтингте жеке рекордына қол жеткізді, - деп хабарлайды massaget.kz сайты.
Қазақстандық теннисші жаңарған рейтингте 25-орынға көтерілді. Бұған дейін 29-орында болған еді. Сондай-ақ үздік нәтижесі 27-орын болған.
Юлия Путинцева 2012 жылға дейін Ресей атынан жарыстарға қатысқан. Кейіннен Қазақстан азаматтығын алды. Жекелей сында WTA санатындағы үш турнирде жеңімпаз болған. Үш рет "Үлкен дулыға" жарыстарының ширек финалына дейін шықты.