WhatsApp мессенджерінде Алматы қаласының әкімі Ерболат Досаев пен әкімдік қызметкерлерінің атынан жалған хабарламалар тарап жатыр. Осыған байланысты әкімдік үндеу жасады, - деп хабарлайды Massaget.kz тілшісі.
"Бейтаныс адамдар +7 707 342 64 39 нөмірінен, сондай-ақ, басқа да нөмірлерден хабарлама жіберіп, қоңырау шалып жатыр. Алматы қаласы әкімдігі мұндай сипаттағы хабарламаларды таратпайды. Мұндай хабарламалар мен бейтаныс тұлғалардан келетін қоңыраулар – алаяқтық әрекеттер", - деп жазылған хабарламада.
Әкімдік азаматтарға маңызды кеңес берді:
- мұндай хабарламаларға жауап бермеңіздер;
- күмәнді сілтемелерді ашпаңыздар;
- жеке деректеріңізді таратпаңыздар.
"Сақ болыңыздар, тек ресми ақпаратқа сеніңіздер. Егер осындай хабарлама алсаңыздар, құқық қорғау органдарына хабарласыңыздар", - деп жазылған хабарламада.
Еске салайық, бұған дейін алматылықтардан "әкімдіктегі Галинаның" хабарламасына жауап бермеу сұралды.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова